16-hadovaja šviedskaja aktyvistka Hreta Tunbierh vystupiła z hnieŭnaj pramovaj na samicie AAN pa pytańniach klimatu.

Vystupajučy pierad suśvietnymi lidarami ŭ AAN, školnica abrynułasia z krytykaj z-za ich biaździejnaści ŭ baraćbie sa źmienami klimatu.

«Heta ŭsio niapravilna. Ja nie pavinna być tut. Ja pavinna viarnucca ŭ škołu na druhim baku akijana, ź inšaha boku vy prychodzicie da nas, maładych ludziej, pa nadzieju. Jak vy možacie! Vy skrali maje mary i majo dziacinstva svaimi pustymi abiacankami», — zajaviła Hreta Tunbierh.

«Ludzi pakutujuć. Ludzi pamirajuć. Razburajucca cełyja ekasistemy. My znachodzimsia ŭ pačatku masavaha vymirańnia, i ŭsio, pra što vy možacie kazać, heta hrošy i kazki pra biaskoncy ekanamičny rost. Jak vy možacie!» — praciahnuła 16-hadovaja aktyvistka.

Školnica Hreta Tunbierh viadomaja tym, što natchniła ludziej pa ŭsim śviecie na «školnyja zabastoŭki», ideja jakich u tym, što pa piatnicach zamiest urokaŭ školniki vychodziać na vulicy, imknučysia pryciahnuć uvahu palitykaŭ i hramadskaści da prablemy klimatu.

U svaju čarhu krytyki klimatyčnaha ruchu sumniavajucca ŭ kampietentnaści 16-hadovaha dziciaci biez raźvitoha krytyčnaha myśleńnia publična sudzić pra takija składanyja pytańni, jak klimatyčnyja źmieny.

Клас
0
Панылы сорам
0
Ха-ха
0
Ого
0
Сумна
0
Абуральна
0