23 vieraśnia Ekśpiertnaja rada pa pytańniach žyćcia i siam'i pry Minska-Mahiloŭskaj archidyjacezii vykazałasia ŭ padtrymku ahulnanacyjanalnaha zboru podpisaŭ pad zvarotam da prezidenta ab pryniaćci admysłovaj prahramy ŭ abaronu tradycyjnaj siamji i zakanadaŭčaj zabarony prapahandy adnapołych znosinaŭ siarod niepaŭnaletnich, piša catholic.by

«U apošnija časy ŭ našaj krainie ŭsio aktyŭniej prajaŭlajucca tendencyi niepavahi da duchoŭnych kaštoŭnaściaŭ i Boham stvoranaha instytutu siamji, jaki źjaŭlajecca padmurkam hramadstva. U pieršuju čarhu jany skiravany na dziaciej i moładź praź ŚMI, sacyjalnyja sietki, śpiecyjalnyja sieminary pa hiendarnaj roŭnaści, kvir-fiestyvali, padručniki dla psichołahaŭ i žurnalistaŭ. Zaniepakojeny takim stanam rečaŭ, Katalicki Kaścioł zaklikaje da zachavańnia Božaha prava i naturalnaha zakonu jak u asabistym žyćci, tak i ŭ žyćci hramadstva», — havorycca ŭ zvarocie.

Kaścioł taksama źviartajecca da zakanadaŭcaŭ z zaklikam raspracoŭvać i prymać zakony ŭ adpaviednaści ź viečna aktualnymi etyčnymi normami.

U zvarocie zaznačajecca, što sioleta biełaruskija abaroncy žyćcia, u tym liku vałanciory dabračynnaha fondu «Adkrytyja sercy», raspačali ahulnanacyjanalny zbor podpisaŭ pad zvarotam da prezidenta ab pryniaćci admysłovaj prahramy ŭ abaronu tradycyjnaj siamji i zakanadaŭčaj zabarony prapahandy adnapołych znosin siarod niepaŭnahadovych.

«Katalicki Kaścioł rašuča abaraniaje tradycyjnyja siamiejnyja kaštoŭnaści, vystupaje suprać sadomskaha hrachu, jaki źjaŭlajecca adnym z čatyroch hrachoŭ, jakija kličuć ab pomście da Nieba. Treba padkreślić, što Kaścioł vystupaje mienavita suprać hrachu, a nie suprać ludziej. A za hrešnikaŭ, jakija śviadoma parušajuć šostuju Božuju zapaviedź, u tym liku za tych, jakija majuć adnapołyja znosiny, treba malicca i zaklikać ich da naviartańnia», — reziumujuć aŭtary zvarotu.

Клас
0
Панылы сорам
0
Ха-ха
0
Ого
0
Сумна
0
Абуральна
0