Kalektyŭny zvarot z prośbaj pieradać Biełarusi pareštki adnaho ź lidaraŭ antyrasijskaha paŭstańnia 1863 hoda Kastusia Kalinoŭskaha razhladaŭsia 24 vieraśnia na ŭzroŭni najvyšejšych asobaŭ Litvy, padzialiłasia sa Svabodaj kanfidencyjnaj infarmacyjaj abaznanaja krynica.

«Podpisy, jakija vyklikali rezanans u biełaruskim hramadstvie, — heta tolki postfaktum, — adznačyŭ litoŭski aktyvist. — Nieŭzabavie źjavicca taksama zvarot ad hrupy litoŭskich parłamientaroŭ z anałahičnaj prośbaj: stanoŭča adkazać i pieradać Kalinoŭskaha biełaruskamu boku».

Pra takija plany litoŭcaŭ raskazvaŭ i adzin ź biełaruskich palitykaŭ.

Pa słovach surazmoŭcy ź Litvy, ideja ź pierajezdam pareštkaŭ Kalinoŭskaha na radzimu była ahučanaja jašče na pačatku leta, nieŭzabavie paśla pieramohi na prezidenckich vybarach Hitanasa Naŭsiedy. Ale tolki ciapier machavik zakruciŭsia na poŭnuju mahutnaść.

Za pierapachavańnie ŭ Biełarusi vykazaŭsia taksama litoŭski fiłosaf, prafiesar Hintaŭtas Mažejkis, jaki bačyć u Kalinoŭskim simvał niezaležnaści Biełarusi, asabliva važny ŭ kantekście pieramovaŭ z Rasijaj ab «pahłybleńni intehracyi».

Pradstaŭniki biełaruskich uładaŭ pakul nie padpisvali lista i nie vykazvalisia ab pierapachavańni.

Adpačatku ŭračystaja cyrymonija pierapachavańnia pareštkaŭ paŭstancaŭ planavałasia na Dziady. Adnak z ulikam novych inicyjatyvaŭ jaje papiarednie adnieśli na 30 listapada.

Dziejačy kultury źviarnulisia da Litvy: Prosim pachavać Kalinoŭskaha ŭ Biełarusi

Kaścioł: My b pradastavili ziamlu pad pachavańnie Kalinoŭskaha ŭ centry Minska la adnaho z chramaŭ

Andrej Dyńko: Čamu ja padpisaŭ zvarot za pierapachavańnie Kalinoŭskaha ŭ Biełarusi. I niekalki insajdaŭ

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?