U handlovym centry «Śpiektr» va Uruččy abvaliłasia padviesnaja stol. Pra heta paviedamlaje tielehram-kanał Volna. Kiraŭnik «Śpiektru» kaža, što na abjekcie pravodziać płanavyja raboty.
«U HC «Śpiektr» va Uruččy abvaliłasia stol. Paciarpiełych niama», - napisana ŭ paviedamleńni tielehram-kanała.
Kiraŭnik handlovaha centra paviedamiŭ TUT.BY, što ŭ kalidory HC pravodzilisia płanavyja pracy.
- Ničoha nie zdaryłasia, prosta našy rabotniki pravodzili płanavyja raboty. Tamu vyvieli ludziej. Stol nie abrynułasia, jaje zdymali. Navošta pravodzili demantaž, ja pakul nie viedaju — hetym zajmajecca tavarystva ŭłaśnikaŭ, - kaža dyrektar HC «Śpiektr» Siarhiej Burdyka.
U MNS Minska adznačajuć, što paviedamleńniaŭ ab padzieńni stoli nie pastupała, infarmacyi ab paciarpiełych niama.