U Piekinie adkryŭsia novy mižnarodny aeraport Dasin, pabudavany pa prajekcie znakamitaha iraka-brytanskaha architektara Zachi Chadyd. Heta samy bujny aeraport u śviecie, jaho płošča składaje 700 tysiač kvadratnych mietraŭ, piša Bi-bi-si.
Fota ź Vikipiedyi
Aeraport, jaki kaštavaŭ Kitaju ŭ 11 młrd dalaraŭ, aficyjna adkryŭsia ŭ sieradu, za niekalki dzion da śviatkavańnia 70-hodździa z dnia ŭtvareńnia Kitajskaj Narodnaj Respubliki (KNR). Na cyrymonii adkryćcia prysutničaŭ lidar KNR Si Czińpin.
Pa dadzienych Mižnarodnaj rady aeraportaŭ, Dasin stanie druhim pa zahružanaści aeraportam u śviecie paśla aeraporta Atłanty.
Kitajskija ŭłady tłumačać, što novy aeraport byŭ nieabchodny, kab razhruzić pierapoŭnieny Piekinski staličny mižnarodny aeraport. Jak čakajecca, aeraport zmoža prymać kala 130 młn pasažyraŭ u hod, piša kitajskaje vydańnie Global Times.
Dasin maje čatyry ŭźlotna-pasadačnyja pałasy i parkovačnyja miescy dla 150 samalotaŭ. Jon budzie vykonvać rejsy pa 116 maršrutach - 101 ŭnutranaha i 15 mižnarodnych
