Maci 26-hadovaha chłopca dumała, što jaje syn vučycca ŭ adnym z prestyžnych univiersitetaŭ Rasii, adnak usio było nie tak, piša staličnaja milicyja.
Heta zdaryłasia viasnoj: pa miescy rehistracyi chłopca pryjšła paviestka: źjavicca ŭ vajenkamat. Zakazny list atrymała maci, bo sam małady čałaviek niekalki hadoŭ žyŭ u Rasii. Syn vyrašyŭ vysłać joj daviedku ab navučańni, kab jana pieradała ŭ vajenkamat.
Ale supracoŭniki kamisaryjata zapadozryła padrobku. Nieŭzabavie jany atrymali źviestki što 26-hadovy chłopiec nie źjaŭlajecca studentam rasijskaj VNU i źviarnulisia ŭ milicyju.
Apieratyŭnikam małady čałaviek rastłumačyŭ, što nie chacieŭ chvalavać maci, tamu daŭ padroblenuju daviedku ab navučańni, jakuju zamoviŭ na adnym ź internet-sajtaŭ.
U junaka ŭjali padpisku ab naležnych pavodzinach.
Za padrobku dakumientaŭ chłopcu pahražaje pakarańnie ŭ vyhladzie hramadskich rabot, abo štrafu, abo papraŭčych rabot, abo abmiežavańnie voli na termin da dvuch hadoŭ.
