Va ŭkrainskaj stalicy na vulicy Kanstancinaŭskaj źjaviŭsia Metro Hostel — jon zrobleny sa śpisanych vahonaŭ mietro. Zvonku vahony vyhladajuć jak vahony, adnak ŭnutry abstanoŭka, zrazumieła, istotna źmianiłasia, i pra minułaje nahadvajuć chiba što nalepki «Nie prytulacca» i častka aŭtentyčnaj kanstrukcyi ŭ rajonie kuchni, raskazvaje 34travel.me.
Pamiž dvuma vahonami ŭźviali kanstrukcyju, jakaja nahadvaje čyhunačny pieron. Z hetaha pierona možna «patrapić» u mietro Šviecyi, Francyi, ZŠA, Japonii abo «vyjści» na ŭkrainski Kreščacik — heta hledziačy ŭ jaki pakoj zasialicca.
Usie pakoi Metro Hostel raźličany na čatyroch čałaviek. Unutry — łožki, šafa, dušavyja pakoi, kandycyjaniery i inšyja atrybuty kamfortu.
