Vytvorca kultavych lalek Barbie, kampanija Mattel, zapuściła liniejku hiendarna-niejtralnych lalek, źniešni vyhlad jakich možna źmianiać pa svaim žadańni, paviedamlaje CBS.
Dzieci sami zmohuć vybrać, jakaja pryčoska budzie ŭ ich lalki i jakoje budzie ŭ jaje adzieńnie — spadnicy abo štany.
Novaja liniejka nazyvajecca Creatable World i składajecca z šaści lalek z roznym koleram skury, kožnuju ź jakich možna pierajnačyć pa svaim žadańni. U lalečny nabor uvachodziać dva paryki z roznymi pryčoskami, a taksama adzieńnie i aksiesuary, jakija dazvalajuć stvaryć raznastajnyja vobrazy dla adnoj i toj ža lalki.
«Cacki adlustroŭvajuć našu kulturu, i pakolki śviet usio bolš razumieje važnaść inkluziŭnaści, my vyrašyli, što nastaŭ čas stvaryć liniejku lalek biez pryčeplenych jarłykoŭ», — skazała pieršaja namieśnica staršyni Mattel Fashion Doll Design Kim Kałmon.
