Kiraŭnik MZS Rasii Siarhiej Łaŭroŭ daŭ intervju haziecie «Kommiersant», u jakim siarod inšaha raskazaŭ pra rasijska-biełaruskija adnosiny.
Žurnalist vydańnia adznačyŭ, što Biełaruś admaŭlajecca raźmiaščać na svajoj terytoryi rasijskuju vajskovuju bazu, na što Łaŭroŭ adkazaŭ:
— Heta sapraŭdy niepryjemny epizod. Ale hałoŭnaje nie forma, a źmiest. A pa źmieście prezident Biełarusi Alaksandr Łukašenka nieadnarazova kazaŭ, u tym liku adkazvajučy na pytańnie pra bazu, što Biełaruś — chaŭruśnik Rasii na ŭsie 100% i što biełaruskija ŭzbrojenyja siły treba razhladać jak takija, što abaraniajuć našy ahulnyja intaresy i našu ahulnuju terytoryju.
Pa źniešniaj palitycy ŭ čystym vyhladzie ŭ nas jość prahrama sumiesnych dziejańniaŭ. Takoha ŭ nas bolš ni z kim niama. U hetym dakumiencie punktualna i piedantyčna raśpisany tyja sumiesnyja kroki, jakija my budziem rabić.
Što da pryznańnia Abchazii, Paŭdniovaj Asiecii, situacyi z Krymam, my nikoha ni da čaho nie prymušajem, — skazaŭ Łaŭroŭ.
Kamientujučy biełaruska-rasijskija pieramovy, Łaŭroŭ adznačyŭ, što jany iduć u strohaj adpaviednaści z damoŭlenaściami Sajuznaha dahavora 1999 hoda:
«Bolš ni pra što havorki niama. Tam paznačany pryjarytetnyja mety, da jakich treba ruchacca. Urady abiedźviuch krain napružana pracujuć pa daručeńni prezidentaŭ».
