Zdareńnie adbyłosia 1 kastryčnika na vulicy Ja. Kupały, paviedamlaje milicyja ŭ svaim telehram-kanale. Uvahu supracoŭnika DAI pryciahnuŭ aŭtamabil «Folksvahien Poła», jaki prajechaŭ na zabaranialny sihnał śviatłafora. Inśpiektar uklučyŭ probliskavyja majački i praz hučnaŭzmacnialnik zapatrabavaŭ spynicca. Adnak mužčyna za rulom aŭto pasprabavaŭ źjechać, ale byŭ spynieny.
Pry praviercy dakumientaŭ vyśvietliłasia, što 62-hadovy kiroŭca paŭtorna na praciahu hoda prajechaŭ na zabaranialny sihnał śviatłafora. Kab inśpiektar nie pryciahnuŭ jaho da adkaznaści, mužčyna pasprabavaŭ dać chabar 50 rubloŭ. Supracoŭnik DAI nieadnarazova papiaredziŭ ab kryminalnaj adkaznaści za daču chabaru. Adnak, nasupierak papiaredžańniaŭ, jon pakłaŭ hrošy na płanšet.
Supracoŭnik DAI paviedamiŭ u apieratyŭna-dziažurnuju słužbu pra sprobu dačy chabaru. Zaviedziena kryminalnaja sprava. Maksimalnaje pakarańnie praduhledžvaje až da 5 hadoŭ pazbaŭleńnia voli.
