U prahramie «Makajonka 9» na BT-1 viadučy Jaŭhien Pierlin anansavaŭ «hałoŭnuju televizijnuju premjeru hetaj vosieni». Telekanał pačnie pakaz z 11 listapada ŭkrainskaha sieryjała «Słuha naroda», u jakim hałoŭnuju rolu syhraŭ ciapierašni ŭkrainski prezident Uładzimir Zialenski.

Choć Pierlin i kazaŭ pra toje, što BT padrychtavała telehledačam u novym siezonie «novyja sieryjały», «Słuha naroda» ŭpieršyniu vyjšaŭ na ekrany jašče ŭ 2015 hodzie na ŭkrainskim telekanale 1+1. Sieryjał staŭ papularnym nie tolki va Ukrainie, ale i ŭ inšych uschodniejeŭrapiejskich krainach.

Treciaja častka sieryjała była adnoj z formaŭ skrytaj ahitacyi Uładzimira Zialenskaha pierad prezidenckimi vybarami ŭ 2019 hodzie va Ukrainie.

Ukrainski komik i miedyjamieniedžar, a ciapier prezident Ukrainy Uładzimir Zialenski syhraŭ hałoŭnuju rolu ŭ «Słuzie naroda» — pazityŭnaha, sumlennaha, addanaha Ukrainie prezidenta Vasila Hałabarodźki.

«Słuha naroda — 3»: film, jaki moža paŭpłyvać na vyniki ŭkrainskich vybaraŭ

Usie try siezony buduć pakazvacca z 11 listapada pa dva epizody z paniadziełka pa piatnicu a 20.00 na BT-1.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?