I ty, Abama?

Viedajecie, što hetyja dni abmiarkoŭvaje ŭsia Ameryka, i najpierš, libieralnaja? Apošnija vykazvańni Baraka Abamy nakont cancel culture. Heta davoli śviežy vyraz, jaki pierakładajecca jak «kultura skasavańnia, admieny», i aznačaje nie pryniaćcio inšych pohladaŭ, niežadańnie ź imi spračacca, a namier prosta «zakryć», «admianić» ich. A taksama i nośbitaŭ hetych pohladaŭ.

I voś niadaŭna Abama, vystupajučy pierad moładździu ŭ svaim fondzie, skazaŭ litaralna nastupnaje. «Hetaja ideja čyścini, kali vy nikoli nie idziacie na kampramis, i vy zaŭsiody palityčna abudžanyja (woke) i ŭsio takoje. Vy pavinny pieraadoleć heta. Śviet biesparadačny, zabłytany. Poŭna niajasnaściaŭ. Ludzi, jakija robiać sapraŭdy dobryja rečy, majuć niedachopy. Ludzi, ź jakimi vy zmahajeciesia, mohuć lubić svaich dziaciej. I padzialajuć peŭnyja rečy z vami».

Abama asobna vydzieliŭ studentaŭ, jakija, jak jon vykazaŭsia, dumajuć, što «rabić pieramieny — heta jak maha bolš asudžać inšych ludziej, i hetaha dastatkova». «Heta nie aktyvizm. Heta nie pryniasie pieramieny. Kali ŭsio, što vy robicie — heta kidajecie kamiani, to vy naŭrad ci prasunieciesia daloka», — skazaŭ Abama.

Jasna, što takija słovy zaraz usie abmiarkoŭvajuć. Ludzi «sprava» u asnoŭnym viesialacca i kažuć «zaprašajem da nas, to the Intellectual Dark Web» (heta takaja niefarmalnaja nazva dla ŭsich myślaroŭ, ad kanservataraŭ da tradycyjnych libierałaŭ, jakija niazhodnyja ź levym mejnstrymam).

Nu a sam mejnstrym pradkazalna kryčyć «zdrada». «Hrupa, da jakoj dałučyŭsia Abama ŭ svajoj krytycy maładych ludziej, daminavanaja biełymi hietieraseksualnymi mužčynami, krajnie pravymi havaraščymi hałovami, i znakamitaściami, jakija pretendujuć na aŭdytoryju, jakaja pavažaje ichniaje mastactva i pakorliva ihnaruje ichnija pamyłki», — hetak piša aŭtar New York times. Jašče i starpioram jaho abazvali), što jon, maŭlaŭ, nie razumieje kaštoŭnaści maładoha pakaleńnia.

Abama — palityk, jaki ŭmieje adčuvać bolšaść i, adpaviedna, upeŭniena pieramahać na vybarach. Jon zaŭsiody byŭ centrystam (dobra, leva-centrystam) i razumieŭ, kudy viadzie lavactva i ahresiŭnaść častki svaich ža paplečnikaŭ pa Demakratyčnaj partyi — da parazy viadzie. I ja, pa ščyraści, nia viedaju, ci jość šancy, što dvojčy prezydenta pasłuchajucca tyja ludzi, da jakich i źviernutyja jahonyja słovy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?