29-hadovy babrujčanin zavodziŭ u sacyjalnych sietkach i na sajtach znajomstvaŭ fejkavyja akaŭnty ad imia dziaŭčyny, znajomiŭsia z mužčynami, demanstravaŭ simpatyju i nieŭzabavie pa nadumanych pryčynach pazyčaŭ u ich nievialikija sumy hrošaj. Takim čynam machlar padmanuŭ 175 čałaviek, piša sb.by.

«Siaredni ček» za znosiny z «Marynaj» dla biełaruskich mužčyn skłaŭ 18 rubloŭ. Za try hady kiroŭca z Babrujska padmanuŭ 175 čałaviek, zarabiŭšy na ich bolš za 3200 rubloŭ.

Na sudzie babrujčanin vinu nie pryznavaŭ. Abvinavačany śćviardžaŭ, što dziesiać sim-kart, niekalki telefonaŭ i inšaja technika zapatrabavalisia jamu dla anłajn-hulniaŭ. Tym nie mienš, pakazańni paciarpiełych i vysnovy śpiecyjalistaŭ dazvolili vykryć machlara.

Sud prysudziŭ mužčynu da dvuch hadoŭ pazbaŭleńnia voli ŭ kałonii ahulnaha režymu.

Клас
Панылы сорам
Ха-ха
Ого
Сумна
Абуральна