Kala tryccaci čałaviek pryjšli siońnia, u śviata Dziady, da dvuch pamiatnych kryžoŭ na praśpiekcie Dzimitrava, što ŭstalavany ŭ honar biaźvinna zabitych padčas savieckich represij.

«My sabralisia ŭšanavać achviar stalinskich represij, achviar kamunistyčnaj ułady. U Mahilovie takich miesc jašče šmat. Nie tak daŭno, dziakujučy žurnalistu Alesiu Asipcovu, my daviedalisia, što jość jašče adno takoje miesca — u Vilčycach, dzie zabivali ludziej. My sabralisia tut, kab addać daninu pamiaci zabitym ludziam», — zajaviŭ, adkryvajučy mitynh, hramadski aktyvist Aleh Aksionaŭ.

Staršynia Mahiloŭskaj abłasnoj arhanizacyi Tavarystva biełaruskaj movy Michaś Bułavacki, raspavioŭ pra historyju taho, jak u hetym miescy -— nasuprać ciapierašniaha miasakambinata znachodzili čałaviečyja pareštki. Pavodle jaho, raskopki pačalisia jašče padčas apošniaj vajny, kali niemcy zdabyvali piasok dla budaŭnictva. «Kali fašysty brali piasok dla budaŭničych rabot, jany znachodzili pareštki ludziej. Jany naźbirali vialikuju hrudu kaściej i pastavili tabličku — pahladzicie, što z vami rabili kamunisty. Paśla vajny tut taksama brali piasok. Hety piasok z kaściami razvozili pa budoŭlach», — havaryŭ Bułavacki.

«Adnojčy dzieci hulajučy tut ŭ piasku, znajšli skivicu z adnym zubam. Pra heta daviedalisia ŭ rajvykankamie, stvaryli kamisiju, jakaja naniała ludziej dla raskopak. Ludzi pracavali prykładna miesiac, pavykopvali bolš za 100 škiletaŭ, ale dalej admovilisia rabić raskopki, bo płacili mała. Raskapanyja škilety pachavali na Paŭnočnych mohiłkach, ale kolki ich zastałosia pierad našymi nahami?» — zapytaŭsia vystupoŭca.

Jon taksama raspavioŭ, što ŭ Kurapatach, što pad Minskam, u noč z 29 na 30 kastryčnika prajšło mierapryjemstva pad nazvaj «Noč rasstralanych paetaŭ» ŭ honar tych litarataraŭ, jakija zahinuli ŭ toj dzień u 1937 hodzie ŭ staličnaj turmie NKVD. Tady, jak adznačyŭ Bułavacki, byli zabity bolš za 100 pradstaŭnikoŭ biełaruskaj intelihiencyi, siarod jakich 22 paety.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?