Pavieł Niachajčyk («Dynama» Brest) pakazvaje sudździ 100%-ny pienalci ŭ matčy, fota Tut.by

Pavieł Niachajčyk («Dynama» Brest) pakazvaje sudździ 100%-ny pienalci ŭ matčy, fota Tut.by

Niadziela padaryła dva cikavyja matčy ŭ čempijanacie krainy pa futbole. Spačatku lidar čempijanatu bresckaje «Dynama» hulała doma z «Šachcioram». 

U hetym matčy było ŭsio. Pry liku 1:1 arbitr nie ŭhledzieŭ pienalci ŭ štrafnoj płoščy «Šachciora» (abaronca vidavočna zhulaŭ rukoj).

U biełaruskim čempijanacie krainy sistemy videapaŭtoraŭ niama. Hulcy Bresta sprabavali pakazać ruku salihorcaŭ na mabilnym. Ale sudździa byŭ niepachisny. Potym jon ža admianiŭ 95%-ny hoł bieraściejcaŭ pry davoli sumnieŭnym afsajdzie. Matč tak i skončyŭsia — 1:1.

Zdavałasia, BATE, što pačynaŭ svoj matč z «Isłačču» paśla skančeńnia hulni ŭ Breście, mieŭsia skarystacca momantam i vyjhravać, kab skaracić adstavańnie ad Bresta. A barysaŭski kłub uziaŭ i sastupiŭ 2:4, vyjhrajučy 2:1.

Takim čynam adstavańnie BATE ad Bresta składaje siem bałaŭ za try tury da finišu.

Dynama Brest — 68, BATE — 61, Šachcior — 59, Dynama Minsk —47, Isłač — 45, Tarpieda-BiełAZ — 45, Haradzieja — 43

10 listapada Brest hulaje ŭ haściach z «Isłačču», a BATE z «Viciebskam», «Šachcior» hulaje doma sa «Słavijaj»

Kab stać čempijonam bresckamu «Dynama» dastatkova ŭ troch matčach nabrać try ački. BATE niaźmienna stanaviŭsia čempijonam krainy z 2006 hoda.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?