Ukrainskija raspracoŭščyki kanstruktarskaha biuro «Paŭdniovaje» prezientavali zvyšhukavuju supraćkarabielnuju rakietu «Małanka» ( «Bliskavka»), pryznačanuju dla «abarony ad Rasii». Ab hetym paviedamlajecca na jutub-kanale Ahlad TV.
Kanstruktary pakazali rakietu na vystavie «Zbroja i biaśpieka - 2019». Jany raspaviali, što chutkaść «Małanki» dasiahaje 2000-2500 kiłamietraŭ u hadzinu. Rakietami płanujuć abstalavać samaloty Su-27 i Su24M, jakija stajać na ŭzbrajeńni VPS Ukrainy.
U zakadravych kamientarach pryvodziacca słovy vajennaha ekśpierta Aleha Ždanava. Jon ličyć, što srodkaŭ supraćstajańnia «Małancy» ŭ śviecie praktyčna niama.
Ždanaŭ adznačyŭ, što rakieta moža prymianiacca Ukrainaj dla procidziejańnia čarnamorskamu fłotu Rasii ŭ Čornym mory, a taksama rasijskaj fłatylii ŭ Azoŭskim mory.