U Biełarusi ŭ 2020 hodzie płanujuć zakupić supraćpuchlinnyja reahienty na 60 młn rubloŭ. Pra heta paviedamiŭ u niadzielu ministr achovy zdaroŭja Uładzimir Karanik na telekanale STV.
«Kala 30% finansavańnia biełaruskaj miedycyny idzie na baraćbu z ankałahičnymi zachvorvańniami. Naleta biudžet budzie niekalki pavialičany. Na zakupku procipuchlinnych reahientaŭ vydzielena kala 60 młn rubloŭ», — skazaŭ Karanik.
Taksama ŭ płanach — vyrašyć prablemu doŭhaha čakańnia dapamohi. «My płanujem ukaranić miechanizm akredytacyi. Heta značyć ankałahičnyja ŭstanovy buduć akredytavany pad peŭny vid dapamohi. Kali pacyjenty majuć patrebu ŭ niejkich redkich mietodykach miedycynskaj dapamohi, ich pavinny nakiroŭvać u RNPC ankałohii. Kali lačeńnie možna atrymać pa miescy žycharstva, to tam dapamoha i pavinna akazvacca. Takim čynam, pieraraźmierkavańnie płyniaŭ pacyjentaŭ i stvareńnie roznaŭzroŭnievaj sistemy akazańnia miedycynskaj dapamohi zdymie pytańnie čerhaŭ i praciahłaści čakańnia», — rastłumačyŭ jon.
Pastupova vyrašajecca i pytańnie lekavaj zabiaśpiečanaści. U pryvatnaści, raspavioŭ ministr, siońnia amal usia bazavaja chimijaterapija - adsotkaŭ 80 - vypuskajecca ajčynnym vytvorcam.
Asvojvajecca i imunaterapija. «My ŭdzielničajem u kliničnym vyprabavańni i sumiesnaj raspracoŭcy dadzienych preparataŭ. My spadziajemsia, što imunaterapija — samy sučasny napramak — budzie dastupny dla našych pacyjentaŭ užo ŭ nastupnym hodzie», — adznačyŭ Karanik.