Uładalnikami srebranych miedaloŭ stali navučency Respublikanskaha centra ekałohii i krajaznaŭstva abjadnańnia pa intaresach «Batanika. Prykładnaja mikałohija» Nastaśsia Rubnikovič i Uładzisłaŭ Andrajčuk. Nastaśsia vystupała z prajektam «Bijapalimiernyja materyjały na asnovie miceliju ksiłatrofnych bazidyjomicetaŭ». Uładzisłaŭ pradstaviŭ prajekt «Aerafilnaja vodaraść Trentepohlia umbrina».

Na stendzie pieršaha prajekta byli prademanstravany dva inavacyjnyja materyjały. Pieršy ŭjaŭlaŭ saboj brykiet na asnovie draŭnianaha piłavińnia, u jakim micelij hryboŭ vystupiŭ u jakaści svojeasablivaha kleju. U budučyni jon moža pasłužyć zamienaj pienapłastu. Druhim stała ekaskura, zdolnaja zamianić naturalnuju skuru. Hałoŭnaj vartaściu novych materyjałaŭ źjaŭlajecca ich ekałahičnaść: pry ŭtylizacyi jany chutka hnijuć i nie nanosiać škody navakollu.

Uładzisłaŭ Andrajčuk dzialiŭsia vynikami daśledavańnia vodaraści Trentepohlia umbrina, jakuju možna sustreć na kary dreŭ. Heta raślina čyrvonaha koleru bahata karacinoidami, jakija možna vykarystoŭvać pry vyrabie lekaŭ i bijałahična aktyŭnych dabavak. Uładzisłaŭ pracavaŭ nad stvareńniem umoŭ, pry jakich vypracoŭka karysnych rečyvaŭ adbyvałasia b maksimalna chutka.

Abodva daśledavańni pravodzilisia pad kiraŭnictvam piedahoha dadatkovaj adukacyi Respublikanskaha centra ekałohii i krajaznaŭstva i staršaha vykładčyka kafiedry bataniki bijafaka BDU Alesi Šavialovaj. Nad imi školniki pracavali bolš za dva hady.

Konkurs arhanizavany jak vystava postaraŭ z prezientacyjami. Udzielniki dzielacca na hrupy pa tematykach, kožny prajekt naviedvaje hrupa členaŭ mižnarodnaha žury. Prezientacyja prachodzić na anhlijskaj movie.

Mižnarodny konkurs ekałahičnych prajektaŭ «International Science and Technological Fair MOSTRATEC» pravodzicca ŭ Brazilii ŭžo bolš za 30 hadoŭ. Sioleta ŭ im uziali ŭdzieł navučency siarednich škoł i ŭstanoŭ prafiesijna-techničnaj i siaredniaj śpiecyjalnaj adukacyi z bolš čym 40 krain, jakija zajavili na konkurs 752 prajekty, jakija zmahalisia pamiž saboj za zvańnie najlepšych u 15 naminacyjach.

Pradstaŭniki Biełarusi brali ŭdzieł u konkursie ŭpieršyniu.

Клас
0
Панылы сорам
0
Ха-ха
0
Ого
0
Сумна
0
Абуральна
0