taipeitimes.com
U Tajvani biełarus pasprabavaŭ zabracca na šasi samalota, kab pralacieć bolš za 2000 kiłamietraŭ, paviedamlaje Tut.by sa spasyłkaj na taipeitimes.com. Tak mužčyna płanavaŭ dabracca da vostrava Pałau, što znachodzicca ŭ Cichim akijanie. Za 40 hadoŭ isnavańnia aeraporta takaja situacyja tut zdaryłasia ŭpieršyniu.
Incydent adbyŭsia ŭ mižnarodnym aeraporcie Tajvań-Taojuań. Dniom adzin ź piłotaŭ zaŭvažyŭ starońniaha ŭ zabaronienaj zonie. Dziŭny «pasažyr» bieh da rejsa avijakampanii China Airlines, jaki ŭ čakańni ŭźlotu znachodziŭsia na ŭźlotna-pasadačnaj pałasie. Akazałasia, mužčyna sprabavaŭ zabracca na šasi samalota. Adnak achova aeraporta źmianiła jaho płany i pieradała jaho palicyi.
Z saboj u biełarusa znajšli śviatłoadbivalnuju kamizelku, hazavuju harełku, niekalki zapalnic, a taksama «niezrazumieły malunak».
Havaryć jon admoviŭsia. Kab sabrać pra zatrymanaha choć niejkuju infarmacyju, palicyjanty ŭziali ŭ jaho adbitki palcaŭ i adskanavali siatčatku. Adnak u bazie prybyłych u Tajvań infarmacyi pra jaho nie akazałasia. Palicyja nie vyklučaje, što jon zajechaŭ u krainu nielehalna.
taipeitimes.com
Darečy, vylecieć u Pałau na zapłanavanym na 13.35 rejsie nie zmoh nie tolki biełarus, ale i jašče 149 pasažyraŭ. Čas vyletu pieranieśli na 16.20.
