U Staŭbcoŭskim rajonie uviečary 2 listapada 18-hadovy chłopiec i jaho 17-hadovy pasažyr na matacykle «Chonda» ŭrezalisia ŭ VAZ-21063. Abodva padletki z traŭmami byli dastaŭleny ŭ balnicu, paviedamlaje mlyn.by.
Zdareńnie adbyłosia na 52-m kiłamietry darohi Ivianiec — Rubiaževičy — Stoŭbcy kala 18:50.
— Za rulom matacykła byŭ 18-hadovy chłopiec, jaki vioz 17-hadovaha pasažyra, — raspaviadaje staršy inśpiektar adździaleńnia ahitacyi i prapahandy ŭpraŭleńnia DAI UUS Minabłvykankama Iryna Sapunova. — Chłopcy jechali z boku vioski Rubiaževičy. Pierad imi ŭ spadarožnym napramku ruchaŭsia aŭtamabil VAZ-21063 pad kiravańniem 57-hadovaha mužčyny. Matacykł urezaŭsia ŭ lehkavik.
Iryna Sapunova padkreśliła, što padletki byli biez motašlemaŭ.
Matacyklist atrymaŭ zakryty pierałom levaj pramianiovaj kostki i ranki, jaho niepaŭnahadovy pasažyr — hiematomy i siniaki.
Abodva paśla zdareńnia byli dastaŭleny ŭ Staŭbcoŭskuju centralnuju rajonnuju balnicu.
