Ministerstva zamiežnych spraŭ Ukrainy nakiravała Rasii notu z patrabavańniem addać ukrainskija vajennyja karabli, zachoplenyja ŭ chodzie incydentu ŭ Kierčanskim pralivie ŭ listapadzie 2018 hoda. Pra heta paviedamiŭ kiraŭnik viedamstva Vadzim Prystajka, piša Interfaks-Ukraina.
Pavodle jaho słoŭ, Kijeŭ paprasiŭ Maskvu nazvać dakładnyja kaardynaty i čas, kali možna budzie zabrać karabli. «Ja chacieŭ by pahladzieć, kali my atrymajem hetyja karabli, ci zastalisia nastupstvy abstrełu, ci hetaja zatrymka źviazanaja z tym, što jany pastupova ramantujucca. Nijakaj zatrymki z našaha boku tut niama. Našy vajennyja hatovy ŭ lubuju kropku prybyć i zabrać našy karabli», — rastłumačyŭ Prystajka.
