Słovy Alaksandra Łukašenki ab čužych vojnach byli vyrvanyja z kantekstu. Pra heta RIA Novosti zajaviła pres-sakratarka biełaruskaha lidara Natalla Ejsmant.

«Usio krajnie jasna: kažučy pra heta, prezident mieŭ na ŭvazie, što navajavalisia — i Biełaruś, i Rasija — chopić!» — udakładniła pradstaŭnica Łukašenki. Jana dadała, što kali niechta i vyrakaŭsia čahości, to heta «rabiłasia ŭ samoj Rasii, i nie adnojčy». Pry hetym pryvodzić prykłady Ejsmant nie stała.

«Žadajecie pahladzieć, jak šanujuć pamiać pra abaroncaŭ Ajčyny, — pryjazdžajcie ŭ Biełaruś! Prosta kamuści treba, kab hetaja byccam by krajnie zrazumiełaja tema raptam zahučała», — adznačyła jana.

Pres-sakratarka taksama zaklikała Maskvu i Minsk vyrašać nadzionnyja prablemy, naprykład, z hazam, naftaj ci praduktami charčavańnia.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?