Adnaho ź biełarusaŭ, jakija paciarpieli ŭ vyniku avaryi ŭ Hiermanii, užo vypisali, druhoha adpuściać damoŭ praz tydzień, paviedamlaje STB.
Pasolstva źviazałasia z klinikami i daktarami, jakija zajmajucca našymi kiroŭcami. Adzin z vadzicielaŭ užo vypisany, jaho zdaroŭju ničoha nie pahražaje. Druhi budzie znachodzicca na lačeńni jašče prykładna na praciahu tydnia.
Kiroŭca fury i jaho naparnik byli špitalizavany ŭ vyniku avaryi, jakaja zdaryłasia napiaredadni niedaloka ad horada Ibienbiurena ŭ Hiermanii.
Fura začapiła aharodžu trasy, pierasiekła dźvie sucelnyja pałasy, znoŭ urezałasia ŭ aharodžu i pierakuliłasia.
Pavodle papiaredniaj infarmacyi, vialikahruz ź Biełarusi pieravoziŭ kvietki.
Škoda ad DTZ aceńvajecca prykładna ŭ 130 tysiač jeŭra.
