22 listapada 2019 hoda ŭ Vilni adbudziecca pierapachavańnie Kastusia Kalinoŭskaha i inšych paŭstancaŭ 1863-1864 hh. Siabry, užo zaraz treba zaniacca afarmleńniem vizaŭ, raspłanavać svaju vandroŭku i abjadnoŭvacca ŭ hrupy. Taksama raim dałučycca da arhanizavanaha tura, pra jaki infarmacyja voś tut.
22 listapada, piatnica
8.30 — Vynas trunaŭ kiraŭnikoŭ i ŭdzielnikaŭ paŭstańnia 1863-1864 hh. z ŭnutranaha dvara Pałaca ŭładaroŭ Vialikaha kniastva Litoŭskaha. Uračystaje pastrajeńnie na Kafiedralnaj płoščy.
8.40 — Unos trunaŭ kiraŭnikoŭ i ŭdzielnikaŭ paŭstańnia 1863-1864 hh. u Kafiedralny kaścioł.
9.00—11.45 — Raźvitańnie hramadskaści z paŭstancami ŭ Kafiedralnym kaściole Vilni (uvachod volny).
12.00 — Pačatak uračystaj imšy ŭ Kafiedralnym kaściole Vilni (uvachod abmiežavany, ale na Kafiedralnaj płoščy buduć ustalavanyja admysłovyja vialikija ekrany).
13.20 — Pačatak piešaj raźvitalnaj pracesii ad Kafiedralnaha kaścioła da mohiłak Rosy. Pareštki Kastusia Kalinoŭskaha i Zyhmunta Sierakoŭskaha paviazuć na łafiecie, inšych paŭstancaŭ — na katafałkach.
14.00 — Cyrymonija pachavańnia pareštkaŭ u kałumbaryi kaplicy na mohiłkach Rosy.
20.00 — Kancert hurta «Dzieciuki» ŭ kłubie «Legendos Klubas» (Kalvarijų g. 85), uvachod — 5 jeŭra. Padzieja ŭ VK.
23 listapada, subota
11:00 — Hreka-katalickaje bohasłužeńnie za supakoj paŭstancaŭ 1863-1864 hh. u Bazyljanskich murach (Śviatatroickaja hreka-katalickaja carkva, adras: Aušros Vartų g. 7B).
13:00 — Sustreča hramadskaści z Radaj Biełaruskaj Narodnaj Respubliki (dakładnyja čas i miesca buduć ahučana nieŭzabavie).
16:00 — Misteryja: historyka-teatralna-paetyčny Rekvijem pryśviečany paŭstańniu 1863-1864 hh (dakładny čas i miesca buduć ahučanyja nieŭzabavie).
18:00 — Paŭstancki łancuh: žałobnaje hramadskaje šeście sa źničami ad Vostraj bramy da mohiłak Rosy.
24 listapada, niadziela
12:00 — Biełaruskaje rymska-katalickaje nabaženstva za ŭpakoj paŭstancaŭ 1863-1864 hh. u kaściole Sv. Bartałamieja na Zareččy (adras: Užupio g., 17).
14:00 — 16:00 — Biaspłatnyja paznavalnyja vandroŭki pa biełaruskich miaścinach Vilni. Sustreča kala kaścioła Sv. Bartałamieja na Zareččy (Užupio g., 17).
Sačyć za apošniaj infarmacyjaj možna na staroncy padziei ŭ fejsbuku i na admysłovym sajcie kalinouski.me.
Pa ŭsich prapanovach i za dadatkovaj infarmacyjaj možna źviartacca pa adrasu: [email protected].
Na pierapachavańnie paŭstancaŭ z troch haradoŭ jeduć arhanizavanyja aŭtobusnyja hrupy, dałučajciesia, jość jašče miescy:
Minsk: kalinouski.me, Viciebsk: razam.bieł,
Hrodna: +375 29 5082082 (MTS), +375 44 5391615(A1).
U volny dostup u elektronnych farmatach pdf i epub vykładziena kniha Vasila Hierasimčyka «Kanstancin Kalinoŭski: asoba i lehienda». Pampujcie na našym sajcie ŭ raździele «Zadarma».
Kastuś Kalinoŭski ŭ hetaj knizie vielmi rozny — chiba što taki, jakim byŭ u svaim žyćci. Niedzie jon vahajecca, niedzie, mahčyma, zanadta kateharyčny i supiarečlivy, ale jon nidzie nie baicca, nie schilaje hałavu, nie sprabuje schavacca ad adkaznaści abo vyratavać sabie žyćcio koštam inšych.
Vyjšaŭ piatnaccaty numar hlancavaha časopisa «Naša historyja». Asnoŭnaja tema numara: pytańni i adkazy pra pierapachavańnie Kastusia Kalinoŭskaha i jaho paplečnikaŭ.
Nabyć časopis možna ŭ našaj kramie ŭ Minsku na pr-cie Mašerava, 18 ci zamović praz sajt voś tut.
Na našym sajcie my stvaryli raździeł «Kastuś Kalinoŭski», dzie sabrali ŭsie rečy, pryśviečanyja nacyjanalnamu biełaruskamu hieroju, jakija jość u našaj kramie.
Navinka! Cišotki «Kalinoŭščyna» z dyzajnam ad Maksa Piakarskaha. Zamaŭlajcie tut.
U našaj kramie źjaviacca novyja śvitšoty i cišotki «Kaho lubiš?», sumiesny prajekt z časopisam «Naša historyja», u asnovie prynta karcina mastaka Mikoły Kupavy i vyjava z vokładki kastryčnickaha numara časopisa.
Na fotazdymkach novaj kalekcyi:
Jaŭhien Alaškievič — majstar sportu pa volnaj baraćbie, čempijon Biełarusi i mižnarodnych turniraŭ, člen nacyjanalnaj kamandy Biełarusi. Pryzior čempijanatu Jeŭropy pa baraćbie Pachłavani i kubka śvietu pa baraćbie na pajasach. Hrupavy i indyvidualny trenier, padrabiaźniej tut.
Nadzieja Alaškievič-Šuško — majstar sportu mižnarodnaha kłasa pa volnaj baraćbie, šmatrazovaja čempijonka Biełarusi i mižnarodnych turniraŭ. Pryziorka pieršych Jeŭrapiejskich hulniaŭ, šmatrazovaja pryziorka čempijanataŭ śvietu.
Na našym sajcie možna zrabić pieradzamovu pieršaj biełaruskaj nastolnaj hulni «Paŭstancy». Hulnia źjavicca ŭ najaŭnaści 1-ha śniežnia.
«Paŭstancy» — heta biełaruskaja nastolnaja hulnia, jakaja dapamoža vam pahłybicca ŭ atmaśfieru dalokaha 1863 hoda i prapanuje zaniać miesca znakamitaj histaryčnaj asoby (Kalinoŭskaha, Urubleŭskaha, Muraŭjova i inš.), albo daść mahčymaść u jakaści zvyčajnaha biełarusa ŭpłyvać na sychod paŭstańnia.
Hulnia pieršapačatkova pabudavana na znosinach pamiž ludźmi, vykazvańni i abmierkavańni svajoj pazicyi. Chłusić, padmanvać, biaźlitasna zabivać supiernika i majsterski błytać prysutnych — prava kožnaha ŭdzielnika. Akramia zabavy hulnia nosić adukacyjny charaktar. Jana zaachvočvaje pahłybicca ŭ samy vir paŭstańnia i pierapisać historyju.
Hulnia ŭpieršyniu vyjšła ŭ 2013 hodzie i adrazu nabyła vialikuju papularnaść, a taksama vyklikała chvalu źjaŭleńnia inšych biełaruskich nastołak.
U svajoj novaj viersii nastolnaja hulnia nabyła novy vyhlad, stała bolš dynamičnaj, łahičnaj i raznajstajnaj. U «Paŭstancaŭ» ciapier jość dva cikavyja dadatki — «Praklon» i «Padziei». Źjaviłasia bahataje histačnaje napaŭnieńnie: na kartkach vy znojdziecie histaryčnych asobaŭ, vokličy paŭstańnia, važnyja daty i navat cytaty z histaryčnych dakumientaŭ.
Pad čas kampanii pa pieravydańni «Paŭstancaŭ», aŭtary hulni vyrašyli adnavić značak z vyjavaj hierba paŭstańnia. Miarkujem, što ŭ siońniašni čas jon moža stać dobrym simvałam pamiaci paŭstancaŭ. Zamović značak i padtrymać vydańnie hulni «Paŭstancy» vy taksama možacie praz naš sajt.
Ambasada Litvy ŭ Biełarusi apublikavała infarmacyju, što treba zrabić, kab chutka atrymać ilhotnyja adnarazovyja vizy na termin z 20 da 24 listapada dla naviedvańnia mierapryjemstvaŭ, źviazanych ź pierapachavańniem pareštkaŭ kiraŭnikoŭ i ŭdzielnikaŭ paŭstańnia 1863-1864 hh. ŭ Vilni.
