Akruhovaja vybarčaja kamisija pa Minskaj-Paŭdniova-Zachodniaj vybarčaj akruzie №99 vyniesła papiaredžańnie kandydatcy Alenie Tałstoj za «Łancuh pamiaci» kala KDB 29 kastryčnika ŭ hadavinu «čornaj nočy» 1937 hoda.
«Łancuh pamiaci-2019». Fota: svaboda.org.
Sam fakt parušeńniaŭ vybarčaha zakanadaŭstva 29 kastryčnika kandydatkaj ustanavili siabry kamisii pa inšaj akruzie — Kupałaŭskaj №95.
Kamisija ŭstanaviła, što pikiet kala KDB pryśviečany achviaram NKVD, rasstralanym biełaruskim dziejačam kultury i navuki, nie źjaŭlaŭsia pieradvybarnaj ahitacyjaj i nie mieŭ na mecie zaachvocić vybarščykaŭ da ŭdziełu ŭ vybarach.
«Mieła miesca raspaŭsiudžvańnie paviedamleńniaŭ Tałstoj, jakija raspalvajuć nacyjanalnuju varožaść (Sajuz z Rasijaj — zaŭsiody vajna, haleča, represii suprać biełarusaŭ)», — adznačajecca ŭ rašeńni.
Kamisija vyniesła papiaredžańnie Tałstoj za toje, što infarmacyjny stend, raźmieščany ŭ ramkach praviadzieńnia pikieta, źmiaščaŭ infarmacyju, nie źviazanuju ź pieradvybarnaj ahitacyjaj i byŭ napoŭnieny infarmacyjaj, jakaja nie adnosicca da vybarčaj kampanii.
