Pierad pačatkam akcyi na Płoščy Svabody ŭ Minsku milicyja zatrymała karespandentaŭ i abstalavańnie zdymačnaj hrupy niamieckaha telekanała ARD, paviedamlaje Biełaruskaja asacyjacyja žurnalistaŭ (BAŽ).
— Spačatku supracoŭniki milicyi zahadali pakinuć nam Płošču Svabody, a potym zatrymali nas i našaha kiroŭcu, u mašynie jakoha znachodzicca televizijnaje abstalavańnie, — raspavioŭ pres-słužbie BAŽ niamiecki žurnalist Demijan von Osten, jaki maje aficyjnuju akredytacyju MZS Biełarusi.
Paźniej žurnalistaŭ vyzvalili, a kiroŭcu — nie.
Na hety momant kiroŭca razam z mašynaj i technikaj znachodzicca ŭ Centralnym RUUS, žurnalisty dziažurać kala addzialeńnia milicyi.
