Śledčy sud horada Marbiella, poŭdzień Ispanii, zapatrabavaŭ ad Aŭstryi ŭ subotu, 9 listapada, nieadkładna vydać byłoha dyrektara departamienta kiravańnia majomaściu i inviestycyjnaj palityki ministerstva kultury Rasii Barysa Mazo. Jon byŭ aryštavany napiaredadni ŭ Vienie ŭ chodzie sumiesnaj ispana-aŭstryjskaj palicejskaj apieracyi pad kodavaj nazvaj Hammer.

U adpaviednaści z paviedamleńniem, raspaŭsiudžanym pres-słužbaj Nacyjanalnaj palicyi Ispanii, Mazo padazrajecca ŭ admyvańni nie mienš za 4 miljonaŭ jeŭra šlacham nabyćcia, praz padstaŭnuju firmu, u Marbielli ŭ 2015 hodzie ekskluziŭnaha katedža. Hrošy pastupili ŭ Ispaniju sa šviejcarskaha rachunka rasijanina. Śledčyja miarkujuć, što havorka idzie pra srodki, vykradzienyja čynoŭnikam ź biudžetu Minkulta RF.

Adnačasova ŭ Marbielli byli aryštavanyja byłaja žonka i syn čynoŭnika, a taksama jaho ispanski advakat. Na ich zaviedzienaja sprava ab saŭdziele ŭ admyvańni — na padstavie artykuła 301 punkta 4 Kryminalnaha kodeksa Ispanii. Usie troje adpuščanyja da suda na volu pad abiacańnie rehularna źjaŭlacca ŭ palicyju i nie pakidać miežy Ispanii.

Miž tym palicyja raspaŭsiudziła videa, u jakim pakazana vykryćcio ŭ marbielskim domie Mazo tajnika z kaštoŭnaściami. Sud nakłaŭ aryšt na katedž čynoŭnika, aŭtamabil, koštam u 100 tysiač jeŭra, juvielirnyja vyraby i bankaŭski rachunak, na jakim miełasia 160 tysiač jeŭra.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?