Zabitaja i jaje kachanak-rekanstruktar. Fota 47news.ru.
U Pieciarburhu z raki Mojki ranicaj 9 listapada dastali mužčynu z «dźviuma adčlenienymi žanočymi rukami», paviedamiŭ Śledčy kamitet Rasii.
Mužčyna vyjaviŭsia 63-hadovym historykam, dacentam Sankt-Pieciarburhskaha dziaržaŭnaha ŭniviersiteta (SPbHU) Aleham Sakałovym. Adrezanyja ruki vyjavili ŭ jaho zaplečniku, tam ža znajšli traŭmatyčny pistalet.
Sakałoŭ sprabavaŭ ŭtapić zaplečnik z rukami niedaloka ad svajho doma. A kali zaplečnik nie patanuŭ, niećviarozy historyk skočyŭ u raku sam, kab daviaršyć spravu. Jaho zaŭvažyŭ taksist, jaki prajazdžaŭ pobač. Taksist vyklikaŭ vyratavalnikaŭ. Sakałova špitalizavali ŭ Maryinskuju balnicu ź pieraachałodžańniem, jaho stan aceńvajecca jak ciažki.
Paśla zatrymańnia Sakałova vadałazy znajšli na dnie Mojki čornyja pakiety z nahami zabitaj žančyny.
Pry pieratrusie ŭ kvatery Sakałova znajšli žanočaje cieła, adrezanuju hałavu i skryvaŭlenuju piłu. Rasijskija ŚMI paviedamlajuć, što zabitaja 24-hadovaja vypusknica SPbHU była vučanicaj Sakałova i žyła ź im.
Sakałoŭ ličycca adnym z pačynalnikaŭ ruchu vajskova-histaryčnych rekanstruktaraŭ u Rasii. Jon śpiecyjalizavaŭsia na pieryjadzie pačatku XIX st. i padčas rekanstrukcyj ihraŭ rolu Napaleona.
