Fota: ex-press.by.
Dacent SPBHU Aleh Sakałoŭ, jaki pryznaŭsia ŭ zabojstvie svajoj 24-hadovaj studentki, nieadnarazova pryjazdžaŭ u Barysaŭ, piša ex-press.by.
Rasijski historyk braŭ aktyŭny ŭdzieł u rekanstrukcyi bitvy 1812-ha na Biarezinie, a ŭ minułym 2018 hodzie ŭ ramkach Kaładziejeŭskich čytańniaŭ prezientavaŭ svaju novuju knihu ŭ Centralnaj barysaŭskaj biblijatecy.
U Pieciarburhu z raki Mojki ranicaj 9 listapada dastali mužčynu z «dźviuma adčlenienymi žanočymi rukami», paviedamiŭ Śledčy kamitet Rasii.
Mužčyna vyjaviŭsia 63-hadovym historykam, dacentam Sankt-Pieciarburhskaha dziaržaŭnaha ŭniviersiteta (SPbHU) Aleham Sakałovym. Adrezanyja ruki vyjavili ŭ jaho zaplečniku, tam ža znajšli traŭmatyčny pistalet.
Sakałoŭ sprabavaŭ utapić zaplečnik z rukami niedaloka ad svajho doma. A kali zaplečnik nie patanuŭ, niećviarozy historyk skočyŭ u raku sam, kab daviaršyć spravu. Jaho zaŭvažyŭ taksist, jaki prajazdžaŭ pobač. Taksist vyklikaŭ vyratavalnikaŭ. Sakałova špitalizavali ŭ Maryinskuju balnicu ź pieraachałodžańniem, jaho stan aceńvajecca jak ciažki.
