Viadučamu papularnaj rasiejskaj telepieradačy «Pole cudaŭ» Leanidu Jakuboviču pastavili kardyjostymulatar, paviedamlaje ren.tv.
Pavodle infarmacyi telekanała, artyst trapiŭ u adnu z maskoŭskich klinik sa skarhami na zdaroŭje. Praź dzień paśla apieracyi jaho vypisali.
Paźniej dyrektar Leanida Jakuboviča Tabryz Šachidzi abvierh u razmovie z ria.ru čutki ab apieracyi televiadučaha. «Leanid Arkadźjevič ŭ poŭnym paradku. Nijakich apieracyj nie było i nie pradbačycca, pracuje, štodnia zajmajecca sportam», — adznačyŭ jon.
