Učora, 9 listapada, kala 4 hadzin ranicy aŭtamabil «Ford Tranzit» ruchaŭsia pa aŭtadarozie «miaža Rasijskaj Fiederacyi - Homiel - Kobryn» z boku Žytkavič u napramku Kalinkavič, paviedamlaje telehram-kanał MUS.
Vybraŭšy niebiaśpiečnuju chutkaść ruchu, na 223-m kiłamietry darohi kiroŭca nie spraviŭsia z kiravańniem i źjechaŭ u levy pa chodzie ruchu kiuviet. Paśla ŭdaru ab dreva aŭtamabil pierakuliŭsia.
U vyniku DTZ paciarpieła 10-hadovaja dačka kiroŭcy, jakaja jechała na piarednim pasažyrskim siadzieńni bieź dziciačaha kresła i nie pryšpilenaja ramianiom biaśpieki. Jana atrymała traŭmy roznaj stupieni ciažkaści i była špitalizavanaja.
Kiroŭca 1985 h.n., a taksama jašče adzin pasažyr 1981 h.n., nie paciarpieli.
Pravierka na ałkatestary pakazała ŭ parach vydychanaha kiroŭcam pavietra 1,18 pramile ałkaholu. Raniej jon byŭ pazbaŭleny prava kiravańnia transpartnymi srodkami. Mikraaŭtobus nie mieŭ dopusku da ŭdziełu ŭ darožnym ruchu i strachoŭki.
