Prezident Balivii Eva Marales ŭ niadzielu abviaściŭ, što ŭ krainie projduć novyja vybary kiraŭnika dziaržavy.

«Ja sklikaŭ novyja vybary, kab šlacham hałasavańnia balivijski narod vybraŭ svoj novy ŭrad», - skazaŭ jon na pres-kanfierencyi, jakaja tranśliravałasia ŭ sacsietkach.

Pa słovach Maralesa, vybary praviadzie novy skład Vyšejšaha vybarčaha suda. «Ja chaču, kab usie zrabili tak, kab napružanaść źniziłasia. Ja prašu ŭsich harantavać mirnaje suisnavańnie», - dadaŭ jon.

Raniej Arhanizacyja amierykanskich dziaržaŭ apublikavała dakład, u jakim havaryłasia, što «kamanda aŭdytaraŭ nie moža paćvierdzić vyniki vybaraŭ i tamu rekamienduje pravieści novyja».

Prezidenckija vybary prajšli ŭ respublicy 20 kastryčnika. Pavodle infarmacyi, jakuju apublikavaŭ Vyšejšy vybarčy sud, pieramohu atrymaŭ dziejučy kiraŭnik dziaržavy Eva Marales. Jaho asnoŭny supiernik — eks-prezident Karłas Miesa — zajaviŭ, što nie pryznaje pieramohu Maralesa ŭ pieršym tury.

Paśla abviaščeńnia vynikaŭ u Balivii ŭspychnuli pratesty i pačalisia zabastoŭki. Siońnia apazicyjaniery zachapili redakcyi dvuch dziaržaŭnych ŚMI, a hałoŭnakamandujučy ŭzbrojenych sił zajaviŭ, što vojska nie budzie dušyć pratesty.

Клас
0
Панылы сорам
0
Ха-ха
0
Ого
0
Сумна
0
Абуральна
0