U Kastryčnicki RAUS Viciebska źviarnułasia miascovaja žycharka, jakaja stała achviaraj machlaroŭ. Žančyna zastałasia biez 37 tysiač rubloŭ, paviedamlaje MUS.
Pavodle słoŭ 48-hadovaj viciablanki, usio pačałosia sa znajomstva z mužčynam na adnym z sajtaŭ. Toj nazyvaŭsia biežancam z Rasii i raspavioŭ, što doŭhi čas žyŭ na Havajskich astravach, a ciapier pracuje ŭ afhanskaj avijacyi, praŭda, płanuje zvolnicca z-za prablem z naličeńniem zarpłaty. Paśla niekalkich dzion aktyŭnych znosin u internecie mužčyna prapanavaŭ surazmoŭnicy nie tolki sustrecca asabista, ale i pierabracca da jaje žyć.
Vykanać ramantyčnuju maru pieraškadžała finansavaja prablema. Łaviełas nie moh vyvieźci z krainy źbieražeńni: $150 tysiač i piać bryljantaŭ «zaviśli» u adnym z bankaŭ. Dapamahčy musiła łahistyčnaja firma i davierlivaja biełaruska, ź jakoj u chutkim časie źviazalisia pradstaŭniki arhanizacyi. Jany paprasili pieravieści na rachunak $2,5 tysiačy ŭ jakaści padstrachoŭki. Adnak paśla pieršaha tranšu pa nadumanych pryčynach źjavilisia dadatkovyja zapyty. U vyniku za niekalki dzion viciabčanka pieraviała ašukancam bolš za 37 tysiač rubloŭ. Nijakich kaštoŭnych kamianioŭ jana tak i nie atrymała.
Žančyna zrazumieła, što jaje padmanuli, i źviarnułasia ŭ milicyju. Pa vynikach pravierki śledčyja raspačali kryminalnuju spravu pa fakcie machlarstva ŭ asabliva bujnym pamiery.
