U krasaviku 2018 hoda ciapierašni brytanski premjer Borys Džonsan, jaki ŭ toj čas zajmaŭ pasadu kiraŭnika MZS, sustreŭsia z rasijskim biznesmienam Alaksandram Lebiedzievym, jaki ŭ savieckija časy byŭ ahientam KDB, paviedamlaje The Guardian.
Sustreča adbyłasia praź miesiac paśla zamachu ŭ Sołśbiery na Siarhieja Skrypala.
Džonsan naviedaŭ pryvatny dom Lebiedzieva ŭ vakolicach italjanskaj Pierudžy praz dva dni paśla naviedvańnia samitu NATA, adnoj z hałoŭnych tem jakoha stała atručvańnie Skrypala i jaho dački Julii. Pra što jany razmaŭlali, nieviadoma.
Alaksandr Lebiedzieŭ — były ahient KDB. Lebiedzieŭ słužyŭ u ekanamičnym adździele analityčnaha ŭpraŭleńnia, dzie zajmaŭsia vyvučeńniem tavarnych rynkaŭ i rynkaŭ dziaržaŭnych daŭhoŭ.
