Jak stała viadoma TUT.BY, siońnia z papraŭčaj kałonii 17 u Škłovie vyzvaliŭsia asudžany śviatar Kanstancin Burykin. Jon pravioŭ za kratami try hady, adbyvajučy termin za zachoŭvańnie patronaŭ i pistaleta.

Niadaŭna jaho starejšaja dačka Alaksandra vyrašyła raspavieści praŭdu jak šmat hadoŭ žyła siamja, i ​​abvinavaciła Burykina ŭ seksualnym hvałcie. Kryminalnuju spravu raspačali, ale abvinavačańnie «baciušku sa svastykaj» tak i nie pradjavili.

Toje, što baćka vyzvaliŭsia, dla jaho dački Alaksandry stała poŭnaj niečakanaściu, jana ź ciažkaściu padbiraje słovy:

— Spadziajusia, žyćcio pakaraje i jaho, i Olu (druhuju žonku baciuški).

TUT.BY paprasiŭ Śledčy kamitet prakamientavać, ci było pradjaŭlenaje abvinavačvańnie Kanstancinu Burykinu pa č. 3 art. 167 KK, u jakim statusie znachodzicca jon i jaho žonka.

— Rasśledavańnie praciahvajecca, — byŭ ścisły Siarhiej Kabakovič, načalnik pres-słužby SK. Na astatnija pytańni jon nie adkazaŭ.

Pa dadzienych Tut.by, Kanstancin Burykin da hetaha času ŭ statusie padazravanaha. Kažuć, śviatar razam z žonkaj admoviŭsia ad kantaktaŭ ź psichołahami i sieksołahami, a taksama palihrafa. Jość słovy jaho ŭžo paŭnaletniaj dački i zaklučeńnie detektara chłuśni, što jana nie padmanvaje.

Čytajcie:

«Raskazała tolki mamie, na jaje mahile»: žudasnaja spoviedź dački «baciuški sa svastykaj» pra toje, što jon rabiŭ ź joj

Rasśledavańnie: jak «baciuška sa svastykaj» rasparadžaŭsia biudžetnymi miljardami

Клас
0
Панылы сорам
0
Ха-ха
0
Ого
0
Сумна
0
Абуральна
0