Kali viarnucca da padziej minułaha tura, to varta adznačyć pieršuju za siem turaŭ pieramohu minskaha «Dynama». Padnačalenyja Siarhieja Hurenki u pieršaj hulni paśla skančeńnia jahonaj dyskvalifikacyi razhramili «Dniapro» ź likam 3:0. Dziakujučy ničyjej «Isłačy» i parazie «Tarpieda-BiełAZ» minčuki adarvalisia ad kankurentaŭ za čaćviorty radok na čatyry bały, ale ŭ «Dynama» napieradzie matč suprać BATE i derbi ź bieraściejcami, tamu baraćba tryvaje.
Horača i na dnie tablicy. «Homiel» vyjhraŭ u «Minska» i krychu padskaraciŭ adstavańnie. Ciapier jano składaje čatyry bały ad 14-ha «stykavoha» miesca. Pra šancy hamielčukoŭ raskažam krychu nižej.
A ciapier da padziej 29-ha tura. Adznačym, što ŭsie matčy adbuducca ŭ niadzielu 24 listapada i pačnucca a 14-j hadzinie.
«Nioman» — «Enierhietyk-BDU»
- Hrodna, CSK «Nioman».
- Kaeficyjenty: «Nioman» (pieramoha) — 2.71; ničyja — 3.48; «Enierhietyk» (pieramoha) — 2.42.
- Matč pieršaha kruha — 4:2
«Studenty» ŭ apošnim tury vyjhrali doma ŭ «Tarpieda-BiełAZ», i, kab paźbiehnuć naŭprostaha vyletu, u bližejšych dvuch turach minčukam treba nabrać chacia b adzin bał.
Haradziency ž zamacavalisia na vośmym radku. I chutčej za ŭsio, mała što moža pamianiacca dla «Niomana».
Prahnoz «NN»: totał, mienšy za 2.5.
«Haradzieja» — «Homiel»
- Stadyjon «Haradzieja».
- Kaeficyjenty: «Haradzieja» (pieramoha) — 3.05; ničyja — 3.16; «Homiel» (pieramoha) — 2.35.
- Matč pieršaha kruha — 0:0
Žyćciavyrašalny matč dla «Homiela». Adstavańnie ad 14-ha radka pakul składaje čatyry bały, ale ŭ apošnim tury «Homiel» atrymaje techničnuju pieramohu nad likvidavanym minskim «Tarpieda», tamu sami razumiejecie, nakolki važnym budzie hulnia ŭ niadzielu.
Pra ŭsie mahčymyja raskłady varta budzie pahutaryć u anonsie apošniaha tura, kali jany buduć realnyja, a pakul prosta budziem čakać matču.
Prahnoz «NN»: ničyja.
«Minsk» — «Šachcior»
- Stadyjon FK «Minsk».
- Kaeficyjenty: «Minsk» (pieramoha) — 4.90; ničyja — 3.56; «Šachcior» (pieramoha) — 1.71.
- Matč pieršaha kruha — 2:3
U pieršaj hulni paśla adstaŭki Siarhieja Tašujeva «Šachcior» razhramiŭ «Słaviju» ź likam 5:1. Salihorcy zhubili šancy na čempijonstva, ale jašče pretendujuć na «srebra», tym bolš kalandar u «Šachciora» značna praściejšy za kalandar BATE.
«Minsk» ža prajhraŭ u minułym tury «Homielu» i pakul znachodzicca na 9-m radku. U siaredzinie tablicy vielmi vialikaja ščylnaść, tamu niaŭdačy mohuć adkinuć «haradžan» nižej.
Prahnoz «NN»: pieramoha «Šachciora».
«Słavija» — «Isłač»
- Mazyr, stadyjon «Junactva».
- Kaeficyjenty: «Słavija» (pieramoha) — 3.04; ničyja — 3.42; «Isłač» (pieramoha) — 2.23.
- Matč pieršaha kruha — 1:2
Varta pachvalić kamandu Vitala Žukoŭskaha. «Vaŭki» vielmi hodna hladzielisia ŭ matčach suprać BATE i bresckaha «Dynama», zdabyŭšy ŭ ich čatyry bały. «Isłač» praciahvaje zmahacca za zapłanavanyja 50 bałaŭ i maje mahčymaść zdabyć čaćviorty radok, a značycca, i šancy na ŭdzieł u jeŭrakubkach u nastupnym hodzie.
Hoł Alaksandra Makasia prynios ničyju «Isłačy» u hulni z bresckim «Dynama». Fota: FK «Isłač».
Dla hetaha treba vyjhravać u Mazyry.
Prahnoz «NN»: «Isłač» nie sastupić.
«Dynama-Brest» — «Viciebsk»
- Brest, ASK «Brescki».
- Kaeficyjenty: «Dynama» (pieramoha) — 1.22; ničyja — 5.95; «Viciebsk» (pieramoha) — 12.25.
- Matč pieršaha kruha — 1:0
Jašče adna mahčymaść dla «Dynama», kab aformić čempijonstva. Na hety raz — doma, pierad svaimi zaŭziatarami. Dla hetaha treba abo pieramahčy ŭ «Viciebska», abo čakać taho, što ŭ paralelnym matčy BATE nie pieramoža.
Składana skazać, ci moža siońniašni «Viciebsk» naviazać supraciŭ lidaru tablicy, ale prykład «Isłačy» pakazvaje, što pry naležnaj matyvacyi mahčyma ŭsio.
Prahnoz «NN»: «Dynama» pieramoža.
BATE — «Dynama-Minsk»
- «Barysaŭ-Arena».
- Kaeficyjenty: BATE (pieramoha) — 1.44; ničyja — 4.333; «Dynama» (pieramoha) — 6.90.
- Matč pieršaha kruha — 2:1
Zdajecca, na hety raz uvahi da biełaruskaha kłasika budzie krychu mienš, čym zvyčajna, bo paralelna Brest budzie sprabavać aformić čempijonstva.
Ale padziei ŭ Breście, vidavočna, buduć adbivacca na hulni ŭ Barysavie. Siarhiej Hurenka jašče nikoli nie vyjhravaŭ u BATE, ale z ulikam taho, jak barysaŭcam składana ŭ apošnich turach nabirać bały, matč budzie dla ich niaprostym.
Prahnoz «NN»: totał, mienšy za 2.5.
«Dniapro» — «Tarpieda-BiełAZ»
- Mahiloŭ, stadyjon «Spartak».
- Kaeficyjenty: «Dniapro» (pieramoha) — 2.23; ničyja — 3.28; «Tarpieda» (pieramoha) — 3.16.
- Matč pieršaha kruha — 0:1
U Mahilovie nie ŭsio spakojna. Źjaviłasia infarmacyja pra finansavyja prablemy ŭ kłuba.
Pakul mahiloŭcy davoli kamfortna siabie adčuvajuć na «stykavym» radku, ale ŭsio moža źmianić paralelny matč «Homiela».
Prahnoz «NN»: pieramoha «Tarpieda».
U suviazi sa źniaćciem z čempijanatu minskaha «Tarpieda» va ŭsich astatnich matčach «aŭtazavodcam» budzie prysudžana techničnaja paraza 0:3. Na hety raz pašancavała «Słucku».
TURNIRNAJA TABLICA
Dzialiciesia prahnozami ŭ kamientarach, a kali zachočacie schadzić na stadyjon, to apranajciesia ciaplej! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon!