Barys Chamajda ź plakatam i ściaham u centry Viciebsku
Viadomy apazycyjaner Barys Chamajda vyjšaŭ 22 listapada da «siniaha domu» ŭ Viciebsku ź bieł-čyrvona-biełym ściaham, kab addać daninu pavahi i pamiaci nacyjanalnamu hieroju Biełarusi Kastusiu Kalinoŭskamu, čyje pareštki ŭ hety dzień pierapachavajuć u Vilni (Litva), paviedamlaje «Viciebskaja viasna».
U rukach Barys Chamajda trymaŭ plakat, na jakim było napisana: «Siońnia, 22.11.2019, u Vilni adbyvajecca pierapachavańnie nacyjanalnaha hieroja Biełarusi Kastusia Kalinoŭskaha i inšych udzielnikaŭ vyzvolnaha paŭstańnia 1863-1864 hh. Słava Hierojam!»
«My bolš za paŭtara stahodździa nia viedali, dzie pachavany naš nacyjanalny hieroj Kastuś Kalinoŭski i tolki niadaŭna daviedalisia… Ja nia maju siońnia mahčymaści być tam, u Vilni, na pierapachavańni. Ale treba niejak addać daninu pavahi nacyjanalnamu hieroju našaj krainy. Tamu ja vyrašyŭ vyjści z tłumačalnym plakatami i ź bieł-čyrvona-biełym ściaham», — patłumačyŭ Barys Chamajda «Viciebskaj Viaśnie».
Abyšłosia biez zatrymańnia.
