Urad Niamieččyny pryniaŭ zakon «Ab abaronie ad adru», u adpaviednaści ź jakim pryščepki ad zachvorvańnia ŭ krainie zaraz stanuć abaviazkovymi. Zakon, jaki ŭstupić u siłu ŭ sakaviku 2020 hoda, zakranie dziaciej, jakija naviedvajuć škoły i dziciačyja sady, a taksama piersanał — jak adukacyjnych i miedycynskich, tak i inšych hramadskich ustanoŭ (naprykład, turmaŭ i łahieraŭ dla biežancaŭ). Za admovu ad pryščepki pahražaje štraf da 2500 jeŭra, paviedamlaje Deutsche Welle.
Da raspaŭsiudžvańnia vakcyny ŭ 1963 hodzie ad epidemij adru štohod pamirali bolš za 2,5 miljona čałaviek. Pryščepki značna źnizili śmiarotnaść, ale chvaroba ŭsio jašče isnuje, i kolkaść zarehistravanych vypadkaŭ u apošnija hady tolki raście.
Adnoj z pryčyn rostu zachvorvańnia na adzior možna nazvać admovu ad pryščepak, jakija ličacca nibyta niebiaśpiečnymi dla razumovaha i fizičnaha raźvićcia dziaciej. Niahledziačy na toje, što biaśpieka pryščepak nieadnarazova paćviardžałasia na vialikich vybarkach ludziej, vakcynacyja nie pierastaje vyklikać u baćkoŭ niespakoj.
Dla baraćby z admovaj ad pryščepak urady roznych krain uvodziać zakony, jakija abmiažoŭvajuć naviedvańnie škoł i dziciačych sadoŭ niepryščeplenymi dziećmi, jak u Italii, abo jakija pazbaŭlajuć baćkoŭ hrašovaj dapamohi, jak u Aŭstralii.
