U Aŭstralii paprasiŭ prytułku kitajski hramadzianin Van «Uiljam» Licyan, jaki, jak paviedamlajuć miascovyja srodki infarmacyi, byŭ špijonam, što pracavaŭ u Kitai, piša BBC.
Hety čałaviek, jak paviedamlajecca, pastaŭlaŭ źviestki raźviedsłužbam Aŭstralii ab dziejańniach kitajskaj raźviedki ŭ Hankonhu, Aŭstralii i na Tajvani. Jon śćviardžaŭ, što byŭ asabista datyčny da zboru raźviedvalnaj infarmacyi.
Ciapier jon znachodzicca z žonkaj i dziciem u Sidniei i aścierahajecca, što ŭ vypadku viartańnia na radzimu jaho zabjuć.
U kastryčniku jon, jak paviedamlajecca, daŭ pakazańni na 17 staronkach pradstaŭnikami Aŭstralijskaj arhanizacyi pa biaśpiecy i raźviedcy (ASIO), u jakich padrabiazna apisaŭ svaju dziejnaść, nazvaŭ imiony vysokapastaŭlenych supracoŭnikaŭ u aŭstralijskaj raźviedcy i śfiery ich adkaznaści.
Bajučysia aryštu ŭ Kitai, Van prybyŭ u Aŭstraliju, dzie žyvuć jaho žonka-studentka i novanarodžany syn. Ciapier jon chavajecca ŭ Sidniei, dzie žyvie pa turystyčnaj vizie ŭ čakańni atrymańnia prytułku.
«Varta mnie tolki viarnucca, i ja — niabožčyk», — kaža jon u apublikavanym uryŭku sa svajho teleintervju.