Šviedskaje MZS bolš nie budzie nazyvać našu krainu Vitryssland. Zaraz budzie ŭžyvacca nazva Belarus. Pra heta siońnia paviedamili šviedskija ŚMI.

Jany adznačajuć, što ministarka zamiežnych spraŭ Šviecyi An Linde zajaviła ŭ Minsku, što heta robicca «ŭ znak pavahi da hramadzianskaj supolnaści i ŭ znak pryznańnia naroda, jaki daŭno vystupaje za nacyjanalnuju identyčnaść i suvierenitet svajej krainy».

Heta jašče adzin maleńki krok pa dekałanizacyi vobrazu našaj krainy ŭ śviecie. Vitryssland byŭ šviedskim anałaham anhlijskaha White Russia, niamieckaha Weissrussland. Kali ŭ anhielskaj movie nazva Belarus zapanavała daŭno, u šviedskaj movie trymalisia kałanijalnaha varyjantu, zapazyčanaha praz rasiejskuju.

Źmieny aficyjnaj nazvy Biełarusi ŭ šviedskaj movie daŭno dabivalisia biełaruskaja dyjaspara ŭ krainie i šviedy-pravaabaroncy, jakija padtrymlivajuć biełaruski ruch za hramadzianskija i nacyjanalnyja pravy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?