Minsk i Kijeŭ abmiarkoŭvajuć arhanizacyju pastavak nafty ŭ Biełaruś praz Ukrainu, vykarystoŭvajučy naftapravod «Adesa-Brody». Pra heta paviedamiła pres-słužba ministerstva enierhietyki i achovy navakolnaha asiarodździa Ukrainy pa vynikach pasiadžeńnia ŭkrainska-biełaruskaj hrupy pa supracoŭnictvie ŭ paliŭna-enierhietyčnaj śfiery, piša tut.by.
Čynoŭniki taksama abmiarkoŭvali mahčymaść stvareńnia sumiesnaha pradpryjemstva dla transparciroŭki nafty na Mazyrski naftapierapracoŭčy zavod, jaki ciapier źjaŭlajecca adnym z asnoŭnych pastaŭščykoŭ matornaha paliva na rynak Ukrainy.
Kab staranna vyvučyć hetyja prapanovy, baki damovilisia stvaryć pracoŭnuju hrupu, havorycca ŭ paviedamleńni Minenierha Ukrainy.
Biełaruś vymušana šukać alternatyŭnyja krynicy pastavak va ŭmovach padaražeńnia rasijskaj nafty.
U Minska ŭžo jość vopyt transparciroŭki nafty ź Vieniesueły, Azierbajdžana i Irana praz ukrainskija party. Adnak abjomy pastavak byli nievialikija.
Raniej Alaksandr Łukašenka prapanoŭvaŭ Litvie i Łatvii sumiesna kuplać naftu na suśvietnym rynku i pierapracoŭvać na navapołackim «Naftanie». U vyniku naftapradukty abyducca bałtyjskim krainam tańniej, čym ciapier.
