Były narodny mer Horłaŭki ŭ samaabvieščanaj «Danieckaj narodnaj respublicy» Eduard Maciucha źjaŭlajecca supracoŭnikam Hałoŭnaha ŭpraŭleńnia raźviedki Ministerstva abarony Ukrainy. Paśla piaci hadoŭ pracy pad prykryćciom na terytoryi Danbasa jon prybyŭ u Kijeŭ i pahutaryŭ z žurnalistami, paviedamlaje «TSN.Tiždień».

«Ja źjaŭlajusia raźviedčykam Hałoŭnaha ŭpraŭleńnia raźviedki Ministerstva abarony Ukrainy», — raspavioŭ pra siabie Eduard Maciucha.

«Eduard — heta toj čałaviek, jaki padavaŭ nieabchodnuju infarmacyju ab realnaj situacyi na akupavanych terytoryjach», — paviedamiŭ aficyjny pradstaŭnik Hałoŭnaha ŭpraŭleńnia raźviedki Ministerstva abarony Ukrainy Vadzim Skibicki.

U mai 2014 hoda Maciuchu vybrali ŭ Horłaŭcy «vykanaŭcam abaviazkaŭ mera», ale jon prabyŭ na pasadzie niadoŭhi čas.

Sam Maciucha padkreśliŭ, što syšoŭ z pasady mera z-za štučna stvoranaha kanfliktu pamiž hrupoŭkami sieparatystaŭ. Jon śćviardžaje, što heta i było jaho pieršym zadańniem — pasvaryć ich.

U siužecie na ŭkrainskim telebačańni raspaviali, što paśla hetaha jon, byŭšy pieršym sakratarom haradskoha kamiteta Kamunistyčnaj partyi, źbiraŭ infarmacyju ab dziejańniach Rasii i naładžvaŭ kantakty z rasijskimi kamunistami z KPRF.

Pavodle infarmacyi Maciuchi, mienavita praz KPRF Kreml kaardynuje svaju dziejnaść u Abchazii, Prydniastroŭi, Paŭdniovaj Asiecii, a taksama samaabvieščanych DNR i ŁNR. Adkaznym za hetuju kaardynacyju čałaviekam ad Dziarždumy RF jon nazyvaje Kaźbieka Tajsajeva.

Maciucha taksama raspavioŭ, što u 2018 hodzie rasiejcy razhladali płany reanimacyi prajekta «Novorosija».

«Heta byli vajennyja płany, zdabytyja mnoj, pra zachop Charkaŭskaj vobłaści, Adeskaj vobłaści i stvareńnie suchaputnaha kalidora da paŭvostrava Krym», — rastłumačyŭ jon.

Pa słovach vyviednika, u Rasii taksama razhladajuć varyjant čarhovaha refierendumu ab uklučeńni asobnych rajonaŭ Danieckaj i Łuhanskaj abłaściej u skład RF.

Aŭtary siužetu paviedamili, što žonka Maciucha ŭsie hetyja hady nie bačyłasia z mužam, nie viedała pra jaho pracu na raźviedku i śpieczadańnie i dumała, što jon pracuje na sieparatystaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?