Fota Alaksandra Čornaha, Intex-press.by

Fota Alaksandra Čornaha, Intex-press.by

U Baranavičach 25 listapada ahučany prysud pa spravie ab kradziažy zbroi z vajskovaj čaści, piša Intex-press.

Sud pačaŭsia 10 vieraśnia, a padsudnymi prachodzili 10 čałaviek. Tolki začytvańnie abvinavačańnia zaniało dva dni. 

Pavodle źviestak śledstva, vajskoŭcy vynieśli z čaści bolš za 20 pistaletaŭ Makarava, kala 10 aŭtamataŭ Kałašnikava, 40-milimietrovy hranatamiot, ź dziasiatak vajskovych vybuchovych pakietaŭ, a taksama kala 4000 patronaŭ da pistaletaŭ i aŭtamataŭ dy inšyja bojeprypasy.

Dźmitryj Kulžyk atrymaŭ 11 hadoŭ pazbaŭleńnia voli z adbyvańniem pakarańnia ŭ papraŭčaj ustanovie va ŭmovach ŭzmocnienaha režymu, štraf 50 bazavych vieličyń, pazbaŭleńnie vajskovaha zvańnia praparščyka, pazbaŭleńnie prava zajmać administracyjnyja pasady, źviazanyja z zachavanaściu zbroi. Pastanoŭlena spahnać u dachod dziaržavy kala 12 tysiač rubloŭ za dachod ad prodažu zbroi.

Juryj Marčanka atrymaŭ 11 hadoŭ pazbaŭleńnia voli, štraf 50 BV, pazbaŭleńnie zvańnia staršy praparščyk, pazbaŭleńnie prava zajmać administracyjnyja pasady, źviazanyja z zachavanaściu zbroi. Pastanoŭlena taksama spahnać u dachod dziaržavy kala 2,5 tysiačy rubloŭ za dachod ad prodažu zbroi.

Alaksandr Vieka — 8 hadoŭ pazbaŭleńnia voli, pazbaŭleńnie zvańnia major milicyi, prymianić amnistyju na 1 hod.

Mikałaj Dziamidaŭ — 6 hadoŭ pazbaŭleńnia voli, prymianić amnistyju na 1 hod.

Maksim Novikaŭ — 5 hadoŭ pazbaŭleńnia voli, prymianić amnistyju na 1 hod, pazbaŭleńnie voinskaha zvańnia starejšy lejtenant.

Mikałaj Čorny — 2,4 hoda pazbaŭleńnia voli, prymianić amnistyju na 1 hod. Vyzvalili ŭ zale suda.

Dzianis Šaviel — 2,4 hoda pazbaŭleńnia voli, prymianić amnistyju na 1 hod. Vyzvalić u zale suda.

Mikałaj Azarka — 2,3 hoda pazbaŭleńnia voli, prymianić amnistyju na 1 hod, pazbaŭleńnie voinskaha zvańnia staršy siaržant. Vyzvalić u zale suda.

Siarhiej Siaŭruk — 2,3 hoda pazbaŭleńnia voli, prymianić amnistyju na 1 hod, pazbaŭleńnie voinskaha zvańnia staršy siaržant. Vyzvalić u zale suda.

Vital Hrynkievič-Sudnik — 4 hady abmiežavańnia voli biez nakiravańnia ŭ vypraŭlenčuju ŭstanovu, pazbaŭleńnie zvańnia staršy praparščyk, amnistyja 1 hod.

Akramia hetaha, sud pastanaviŭ kanfiskavać aŭtamabili ŭ Marčanki, Vieki, Dziamidava, Čornaha, Šaviela, Azarki, Hrynkieviča-Sudnika.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?