Alaksandr Łukašenka zaprašaje šviedskija i finskija kampanii da realizacyi ŭ krainie prajektaŭ. Ab hetym jon zajaviŭ siońnia na sustrečy ź ministrami zamiežnych spraŭ Šviecyi An Linde i Finlandyi Pieka Chaavista, pieradaje BIEŁTA.

Łukašenka adznačyŭ, što ŭ Biełarusi vielmi šmat ahulnaha ź dziaržavami Paŭnočnaj Jeŭropy, krainy źviazvaje praciahłaja historyja handlovych adnosin i kantaktaŭ u roznych śfierach. «Niahledziačy na adsutnaść vychadu da mora, naša kraina tym nie mienš źjaŭlajecca nieadjemnaj častkaj Bałtyjskaha rehijona. U skarbonku dabrabytu krain Bałtyi Biełaruś unosić svoj istotny ŭkład, pastaŭlajučy svaje hruzy, absłuhoŭvajučy tranzitnyja patoki ŭ paŭnočnym i paŭdniovym napramkach», — skazaŭ Alaksandr Łukašenka.

«Pry hetym vielmi važny ekałahičny składnik. Ja dumaju, u vas da nas pretenzij być nie moža ŭ hetym płanie», — dadaŭ biełaruski lidar.

Jon zaprasiŭ šviedskija i finskija kampanii da realizacyi ŭ Biełarusi prajektaŭ u halinie transpartu i łahistyki, adznačyŭ najaŭnaść ahulnych intaresaŭ u śfierach adnaŭlalnaj enierhietyki, achovy navakolnaha asiarodździa i enierhaefiektyŭnaści. «Ekałahičnaja situacyja ŭ Bałtyjskim rehijonie šmat u čym zaležyć ad Biełarusi. Tamu zaprašaju vas padtrymać prajekty pa pierapracoŭcy adchodaŭ, raźvićci alternatyŭnych krynic enierhii. My hetym vielmi surjozna zajmajemsia», - zajaviŭ jon.

Surjoznyja pierśpiektyvy jon taksama bačyć u supracoŭnictvie ŭ lasnoj i drevaapracoŭčaj pramysłovaści: «Prymianieńnie vašych technałohij i pryciahnieńnie inviestycyj u biełaruskija vytvorčaści budzie vyhadna dla ŭsich udzielnikaŭ. Dziakujučy zručnym transpartnym znosinam jość mahčymaść pastaŭlać vyrablenuju ŭ Biełarusi pradukcyju na rynki Jeŭropy i Azii».

U suviazi z hetym kiraŭnik dziaržavy zaŭvažyŭ, što pa jaho daručeńni ŭžo na praciahu šeraha hadoŭ vyvučajecca vopyt Šviecyi i Finlandyi ŭ častcy viadzieńnia lasnoj haspadarki, arhanizacyi drevapierapracoŭki.

Što datyčycca dvuchbakovaha farmatu, Alaksandr Łukašenka adznačyŭ, što Finlandyja, jak i Biełaruś, nie maje značnych pryrodnych resursaŭ, ale samastojna, upartaściu i pracavitaściu, dabiłasia prykmietnaha prahresu.

«Finy pa mientalitecie vielmi padobnyja da biełarusaŭ. Mienavita tamu vy dobra razumiejecie pracesy, jakija adbyvajucca ŭ našaj krainie. Heta znachodzić svajo adlustravańnie ŭ padtrymcy Finlandyjaj suvierenitetu i niezaležnaści Biełarusi ŭ ramkach inicyjatyvy «Uschodniaje partniorstva», - skazaŭ kiraŭnik dziaržavy.

Źviartajučysia da An Linde, Alaksandr Łukašenka padziakavaŭ joj za inicyjatyvu praviadzieńnia takoha sumiesnaha vizitu, asabliva ŭličvajučy, što heta pieršy vizit kiraŭnika šviedskaha źniešniepalityčnaha viedamstva ŭ Biełaruś. «U našaj naviejšaj historyi byli niaprostyja epizody, ale my zmahli ich pieraadoleć i adkryli novuju staronku ŭ adnosinach. Dumaju, što ŭ hetym napramku my budziem raźvivać našy adnosiny. Vitajem aktyŭnaść kampanij sa Šviecyi na biełaruskim napramku», — zajaviŭ kiraŭnik dziaržavy.

Jon adznačyŭ, što kancern IKEA pryniaŭ stratehiju «Napierad u Biełaruś» pa naroščvańni zakupak pradukcyi da 300 młn jeŭra, supracoŭnictva Scania i BiełAZa pa pastaŭkach ruchavikoŭ dapamahaje biełaruskaj technicy vychodzić na rynak Jeŭrasajuza, hazavyja turbiny sa Šviecyi zabiaśpiečać stabilnaść biełaruskaj enierhasistemy paśla ŭvodu AES, a brend adzieńnia H&M pačaŭ stvarać u Biełarusi handlovuju sietku.

«Naša partniorstva sadziejničaje madernizacyi ekanomiki, zamacavańniu na novych rynkach. Biźnies pracuje ŭ pravilnym napramku. Davajcie padtrymlivać hety ruch», — zajaviŭ Alaksandr Łukašenka.

Jon taksama prapanavaŭ razam padumać, što možna zrabić, kab vizit u takim farmacie nadaŭ impuls raźvićciu adnosin Biełarusi z usioj Paŭnočnaj Jeŭropaj. «Budziem rady bačyć u Minsku vas z kalehami z Narviehii, Danii, Isłandyi. Hatovy abmierkavać usie pytańni, jakija cikaviać. Ja vas zaprašaju da adkrytaj, ščyraj razmovy. Kali chočacie, to biez usialakich dypłamatyčnych kanonaŭ», — skazaŭ Łukašenka.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?