U Drezdenie ŭ paniadziełak nieviadomyja pranikli ŭ muziej staradaŭnich juvielirnych vyrabaŭ «Zialonaje sklapieńnie» (Grünes Gewölbe). Na miesca pryjechali supracoŭniki kryminalnaj palicyi, viaducca pošuki rabaŭnikoŭ. Drezdenski zamak, dzie znachodzicca kalekcyja, ačepleny ŭ suviazi sa śledčymi dziejańniami, piša Deutsche Welle.

Jak miarkujecca, sa skarbnicy byli skradzienyja ŭpryhažeńni na ahulnuju sumu kala miljarda jeŭra, paviedamlaje tabłoid Bild. Pavodle jaho infarmacyi, prykładna a 5-j ranicy pa miascovym časie byŭ ździejśnieny padpał elektraščyta pad mastom Aŭhusta Mocnaha, jaki zabiaśpiečvaje elektryčnaściu «Zialony zvod» i inšyja dziaržaŭnyja muziei. Zatym złamyśniki prabralisia ŭ budynak, dzie zachoŭvajecca kalekcyja. Zdabyčaj stali tolki ŭpryhažeńni, a nie vazy, karciny i inšyja bolš bujnyja pradmiety.

Premjer-ministr Saksonii, dzie znachodzicca Drezden, Michael Krečmier napisaŭ u svaim mikrabłohu ŭ Twitter, što kradziež zakranuŭ usiu fiederalnuju ziamlu. «Biez «Zialonaha sklapieńnia» nielha ŭjavić sabie historyju Saksonii. Kaštoŭnaści, jakija zachoŭvajucca tut, stvarali na praciahu mnohich socień hadoŭ ludzi našaj Svabodnaj dziaržavy», — zajaviŭ Krečmier.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?