Paciarpiełyja ŭ DTZ pad Rečycaj viartalisia z Maskvy. Što jašče viadoma pra ranišniuju avaryju z udziełam MAZa i aŭtobusa ŭ Rečyckim rajonie, piša Tut.by.
U DTZ pad Rečycaj hruzavik i turystyčnyaŭtobus paśla sutyknieńnia pierakulilisia ŭ kiuviet
Aŭtobus naležyć turystyčna-transpartnaj kampanii «Hrandaŭto». Jon ździajśniaŭ rejs z Maskvy ŭ Homiel. Usie pasažyry — mužčyny, žychary Homiela i Homielskaj vobłaści, viartalisia dadomu z zarobkaŭ.
Alaksandr apynuŭsia na miescy DTZ praz paru chvilin. Kaža, što ŭsio adbyłosia ŭ 7.30, było jašče ciomna.
— Kiroŭca MAZa vybraŭsia z kabiny sam, a ŭ aŭtobusie byŭ chaos, kusty i drevy pieraškadžali ludziam vybiracca. Usiaho ŭ aŭtobusie ja naličyŭ 4 čałavieki. Adnaho chłopca strašna było pieranosić — uvieś pałamany. Pakłali ŭ aŭtobus. Jon navat na pytańni nie adkazvaŭ, choć by vyžyŭ. Jon adzin taki ciažki byŭ tam, — raspaviadaje Alaksandr.
Pavodle aficyjnaj infarmacyi, u avaryi atrymali traŭmy šeść čałaviek: try pasažyry i dva kiroŭcy aŭtobusa, a taksama kiroŭca hruzavoha aŭtamabila. Usich ich advieźli ŭ Rečyckuju CRB. Paśla akazańnia miedycynskaj dapamohi dvuch adpuścili dadomu. Pra stan čaćviarych ničoha nie viadoma.
Nahadajem, ranicaj 25 listapada na trasie R82 niedaloka ad vioski Sałtanava sutyknulisia MAZ i aŭtobus. Abodva transpartnyja srodki apynulisia ŭ kiuviecie. Pavodle papiaredniaj infarmacyi, 56-hadovy kiroŭca hruzavoha aŭtamabila vyjechaŭ z boku vioski Sałtanava i jechaŭ pa pałasie razhonu. Pry pierastrojvańni jon sutyknuŭsia z aŭtobusam, što jechaŭ u spadarožnym kirunku.
