Jak piša TUT.BY sa spasyłkaj na miascovy sajt 47news, pad Tosna ŭ Leninhradskaj vobłaści Rasii vyjavili mahutnuju narkałabaratoryju. U joj pracavaŭ i hamialčanin.

Fota: 47news.ru

Fota: 47news.ru

Sielski ŭčastkovy kapitan Dźmitryj Piatroŭ šukaŭ u pasiołku Abuchaviec šeryja aŭtamajsterni, a vyjaviŭ najbujniejšuju narkałabaratoryju. 20 listapada jon uvajšoŭ u zakinuty anhar i nie pavieryŭ vačam: paŭsiul była raskładzienaja materyja, padobnaja na cyratu, a na joj lažała biełaje rečyva. Akramia hetaha, u anhary byli stanki, aŭtapahruzčyk, hruzavyja refryžeratary, roznyja jomistaści.

Paźniej śpiecyjalisty vyśviatlać: rečyva, jakoje vyjaviŭ učastkovy, — tak zvanaja sol. U anhary znachodziłasia bolš za 2 tony ŭžo hatovaha narkotyku i 4,8 t amal hatovaha — u syravinie.

Nieŭzabavie vyjšli i na «śpiecyjalistaŭ» łabaratoryi. Imi akazalisia dvoje rasiejcaŭ — Dźmitryj Havaruškin i Siarhiej Kamienieŭ, a taksama uradženiec Homiela 35-hadovy Mikałaj Surnakoŭ. Śledstva ličyć, što jon vykonvaŭ rolu chimika.

Mikałaj Surnakoŭ. Skrynšot videa HU MUS pa Sankt-Pieciarburhu i Leninhradskaj vobłaści

Mikałaj Surnakoŭ. Skrynšot videa HU MUS pa Sankt-Pieciarburhu i Leninhradskaj vobłaści

Ciapier usie zatrymanyja znachodziacca ŭ izalatary. U dačynieńni da ich raspačata kryminalnaja sprava pa artykule «vytvorčaść narkotykaŭ u asabliva bujnym pamiery».

22 listapada Surnakova sud na dva miesiacy adpraviŭ pad vartu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?