Brytanski navukoviec Cim Bierniers-Li, jaki stvaryŭ razam z Robiertam Kajo World Wide Web, pradstaviŭ hłabalny płan, jak vyratavać internet ad palityčnych manipulacyj, fejkavych navin, parušeńniaŭ pryvatnaści i inšych pahroz, piša The Guardian.
Cim Bierniers-Li.
«Kali my pakiniem internet takim, jaki jon jość, to isnuje vierahodnaść, što mnohaje pojdzie nie tak», — skazaŭ jon.
U prajekcie vyznačany dzieviać asnoŭnych pryncypaŭ abarony Sietki — pa try dla ŭradaŭ, kampanij i pryvatnych asob. Jaho ŭžo padtrymali bolš za 150 arhanizacyj, u tym liku Microsoft, Google i Facebook.
U płanie havorycca, što ŭrady pavinny rabić usio mahčymaje, kab kožny žadajučy moh padłučycca da internetu, i nie dapuskać jaho adklučeńniaŭ. Akramia taho, asabistyja danyja karystalnikaŭ pavinny być abaronieny, a ludzi pavinny mieć prava admaŭlacca ad ich apracoŭki.
Kampanii pavinny, u pryvatnaści, rabić internet dastupnym dla ŭsich, a taksama abaviazany raspracoŭvać veb-viersii dla ludziej z abmiežavanymi mahčymaściami i nacmienšaściaŭ.
Karystalniki pavinny ŭdzielničać u stvareńni «bahataha i relevantnaha» kantentu, a taksama stvarać supołki, u jakich kožny budzie adčuvać siabie ŭ biaśpiecy.
