U milicyju Lidy źviarnułasia miascovaja žycharka, jakaja zhubiła kašalok, u im byli hrošy i try karty bankaŭ. Pryčym da ŭsich kartak byli zapiski ź pin-kodami, paviedamlaje milicyja.
Źbirajučysia ŭviečary ŭ kramu, kašalok žančyna nie znajšła. Razam z mužam jana šukała jaho ŭ supiermarkiecie, jaki naviedvała napiaredadni, adnak pošuki byli biespaśpiachovyja.
Žančyna skarystałasia internet-bankinham i vyjaviła, što ŭsie karty ustaŭlalisia ŭ bankamat, pra što i paviedamiła ŭ milicyju.
Spravaj zanialisia apieratyŭniki hrupy pa raskryćci złačynstvaŭ u śfiery vysokich technałohij. U vyniku atrymałasia znajści žychara Lidy, jaki i znajšoŭ kašalok.
Pryjšoŭšy dadomu, jon znajšoŭ u im try kredytki i loh spać. Nazaŭtra mužčyna vyrašyŭ nie vypuskać svoj šaniec razbahacieć. Najaŭnyja patraciŭ, a z kart pasprabavaŭ źniać hrošy. Pakolki bałans byŭ nulavym, nažycca jamu nie ŭdałosia.
I navat na karcie rasterminoŭki funkcyja źniaćcia najaŭnaści była admieniena.
