Prezident ZŠA Donald Tramp pa amierykanskaj tradycyi pamiłavaŭ dźviuch indyčak pierad Dniom padziaki. Ab hetym paviedamlajecca na aficyjnym sajcie Biełaha doma.
Da mierapryjemstva dałučyłasia pieršaja łedzi ZŠA Miełanija Tramp. Indyčak, jakija ŭračysta pazbaŭlenyja doli stać śviatočnaj viačeraj, zavuć Chleb (Bread) i Masła (Butter).
Prezident ZŠA Donald Tramp padčas cyrymonii pažartavaŭ pra impičmient. Pavodle jaho słoŭ, hetym ptuškam treba być spakojnymi ŭ lubych abstavinach, bo ich užo vyklikali na słuchańni ŭ ramkach pracedury impičmientu. «Demakraty abvinavačvajuć mianie ŭ tym, što ja dziejničaju zanadta miakka ŭ adnosinach da Turkey (Turkey ŭ anhlijskaj movie — nazva dziaržavy (Turcyja), a taksama ptušak — indyčki)», — pažartavaŭ Tramp.
Tradycyju pamiłavańnia indyčak zasnavaŭ 41-y prezident ZŠA Džordž Buš, jaki ŭ 1989 hodzie ŭpieršyniu daravaŭ svabodu ptuškam.
